“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
POLITIKE
''Ta marr fjalën unë, se duhet të marrë fëmijët nga shkolla''/ Binaj thirrje opozitarëve: Nuk kemi bërë mjaftueshëm
PiranjatPërditësimi i fundit 9 Janar 2026, 13:26
Aktivisti Florjan Binaj ka mbajtur një fjalë gjatë tryezës së organizuar nga Partia Demokratike me pjesëmarrjen e partive të opozitës, shoqërisë civile dhe intelektualëve.
Binaj vuri në dukje se arsyeja e vërtetë e këtij diskutimi lidhet me faktin se, sipas tij, të gjithë kanë përgjegjësi për situatën aktuale.
Më tej ai tha se duhet të pranojmë njëri-tjetrin ashtu siç jemi dhe të mos shohim se ku dallojmë nga njëri-tjetri.
Binaj: A mund ta marr fjalën unë, se duhet të marrë fëmijët nga shkolla. Do iu harxhoj vetëm 30 sekonda. Në radhë të parë shumë faleminderit të më bërë pjesë të këtij takimi, ndihem i privilegjuar.
E dyta, unë mendoj që arsyeja pse jemi në këtë takim është sepse të gjithë ne, edhe ata që na shohin nga shtëpia, kush më shumë e kush më pak, nuk kemi bërë mjaftueshëm. Gjatë gjithë kësaj kohe, kemi harxhuar kohë duke parë nga njëri-tjetri jo ku ngjajmë, por ku dallojmë.
Në këtë kohë që ka ardhur, mendoj se gjëja më e rëndësishme për të bërë është që për ta pranuar njëri-tjetrin ashtu siç jemi të ndryshëm dhe të mos presim nga njëri-tjetri që ‘unë do bashkëpunoj me ty po more ti formën time ose unë formën tënde, e të tjera’.
Jemi marrë mjaftueshëm nëpër këmbë, jemi sharë mjaftueshëm nëpër gojë, jemi marrë mjaftueshëm nëpërsysh, tani o duhet të merremi vesh, ose nuk duhet të qahemi pastaj nëse do na marrim më qaf. Faleminderit, kaq kisha për të thënë. Më fali që po iki, por më duhet të marr fëmijët.
