Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Më thonë po ofendon burrat," Rama në Kavajë: Gjysma e tyre janë në rregull, gjysma tjetër janë çyryk! Nisem nga fakti se ata ndihen mirë me kënetën
n.fPërditësimi i fundit 21 Prill 2025, 10:45
KAVAJË- Kryeministri Edi Rama po zhvillon paraditen e sotme një takim me gratë e vajzat e Kavajës. Gjatë fjalës së tij Rama foli në lidhje me reagimet e shumta ndaj tij se ofenton burrat. Ai u shpreh se sipas tij gjysma e burrave janë në rregullt ndërsa gjysma tjetër janë çyrykë.
Rama shtoi se niset nga fakto se ka shumë burra që ndihen mirë me opozitën të cilën e cilëson si këneta. Sipas tij ata ndihen mirë në qasjet e vjetra. Ai më tej foli edhe për barazinë gjinore teksa theksoi se në PS ka një skuadër më 71 gra dhe vajza.
"Ka filluar një si sekëlldi që shprehet sidomos në pasqyrat e kënetës në mbrëmje në ekrane. Kur dalin këto të tërë dhe marrin nëpër gojë gjithë dynjanë që Edi Rama po ofendon burrat. Thjesht konstatoj që gjysma e burrave janë shumë në rregull, ka një gjysëm tjetër çyryk. Nisem nga fakti që ka shumë burra, që ndjehen mirë në kënetë. Janë shumë burra që ndjehen mirë me atë qasjen e vjetër dhe me rrugën e vjetër që dihet ku të çon. Ne nuk ndjehemi mirë deri kur ta vendim plotësisht barazinë gjinore. Kemi bërë hapa të konsiderueshëm.
Çka sot pasqyrohet në pjesëmarrje në publike. Në këshilla bashkiakë, në parlament, gratë në qeveri janë mbi 50%. Në sipërmarrje kanë arritur thuajse në 30%. Duhet të shtrihet shumë më thellë në shoqëri për të garantuar çlirimin dhe barazimin mes gjinive në çdo familje. Dhuna ndaj grave ka rënie, po e pamjaftueshme. Shpërfillja dhe trajtimi jo i barabartë i vajzave ka rënie. Këtë betejë mos ta bëjmë vetëm për vete por edhe për gra dhe vajza të tjera.
Kemi dy shembuj të rinj, futëm në parti risinë e bashkëdrejtimit të organizatave, burrë ose djalë, grua ose vajza. Kjo na ka sjellë të mirën e madhe që shumë gra dhe vajza janë afruar. Kemi në skuadrën tonë për Shqipërinë 2030, në skuadrën që është sot në fushë të kësaj gare të 11 majit, 71 gra dhe vajza. Në listat e mbyllura kemi 52% gra dhe vajza. Këtu nuk ka gjë më të bukur se sa gratë dhe vajzat do luftojnë për burrat që janë kandidatë," tha ai.
