Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
POLITIKE
Media greke për Safet Gjicin: Kryebashkiaku shqiptar dha dorëheqjen pas skandalit të videos "rozë", kishte zili Bill Clinton
PiranjatPërditësimi i fundit 21 Qershor 2023, 10:27
TIRANË- Media greke "Protothema.gr" ka publikuar dhe i ka kushtuar një artikull ish-kryebashkiakut të Kukësit, Safet Gjicit, i cili është kthyer në kryefjalë të mediave në Shqipëri.
Kryebashkiaku i sapozgjedhur i Kukësit, Safet Gjici, në Shqipërinë verilindore ka dhënë dorëheqjen nga posti i tij, pas publikimit të një videoje rozë që e shfaqte atë duke bërë seks në zyrën e tij, në bashkinë e qytetit të vogël. Videoja rozë , e cila u shpërnda me shpejtësi përmes ëhatsApp-it, tregonte ish-kryebashkiakun të dashuruar me një të re, me të cilën ai zbuloi se është në një lidhje. Në njoftimin e tij, ai foli për kurth nga kundërshtarët politikë, të cilët iu hakmorën – sipas pretendimeve të tij – për rizgjedhjen e fundit.
“I kërkoj një falje të madhe publikut dhe kujtdo që e pa këtë video të shëmtuar sot. Pas një fushate të vështirë dhe përballjes me kundërshtarët e mi, nga i cili dola fitimtar, për fat të keq rashë viktimë e një kurthi të përgatitur me kujdes nga vetë ata që u përballa në zgjedhje. Këtu arritën të bëjnë në një formë tjetër të pistë atë që nuk mundën ta bënin me votën e kuksianëve. Më vjen shumë keq për incidentin dhe e kam më se të qartë se në këtë situatë nuk ka asnjë vlerë asnjë lloj shpjegimi. Prej disa kohësh jam në një lidhje të ngushtë me vajzën në fjalë, por sigurisht që nuk kam asnjë justifikim për atë që ka ndodhur. Unë nuk mund të jem më personi që punoj në këtë zyrë qeveritare,"- tha Gjici, i cili – sipas mediave shqiptare – e kishte zili lavdinë e Bill Clintonit.
Ish-kryebashkiaku i Kukësit, 51-vjeç, është biznesmen dhe CEO i EuroGjici Security dhe Kevin Construction. Ai është gjithashtu president i klubit shqiptar të futbollit FK Kukësi të Superligës Shqiptare.
