Një sherr i dhunshëm është shënuar rreth orës 23.00 të së premtes në lagjen nr. 3 të qytetit të Sarand&eu...
POLITIKE
Mijëra qytetarë në shesh kërkojnë dorëheqjen e Ramës, Gonxhja për protestat: Duhet reflektim i thellë nga çdokush
PiranjatPërditësimi i fundit 6 Qershor 2026, 13:39
Prej 7 ditësh qytetarët mbushin bulevardin “Dëshmorët e Kombit”, ndërsa kërkojnë largimin e qeverisë dhe dorëheqjen e kryeministrit Edi Rama.
Në një prononcim për mediat nga Pogradeci, Blendi Gonxhja duke folur për protestat tha se duhet një reflektim i thellë
“Prandaj nuk diskutohet, ne jetojmë në Tiranë dhe e kemi shumë të qartë që është një situatë e cila kërkon një vëmendje dhe kërkon një analizë, kërkon një reflektim shumë të thellë nga çdokush. Nuk jam nxituar dhe nuk jemi nxituar askush nga ne besoj, sepse duam që të kemi një qasje që të jetë sa më e peshuar, sa më e mirëmenduar dhe sa më e ekuilibruar në raport me atë që janë kërkesat e tyre”, tha ai.
Pjesë nga deklarata e Gonxhes:
Dëgjo, nuk është se nuk kam ndonjë reagim, nuk është se nuk e ndjek, nuk është se nuk jam i ndjeshëm, natyrisht jam jashtëzakonisht për situatën. Edhe sepse si Ministër i Turizmit, Kulturës dhe i Sporteve jam shumë i lidhur me atë grupmoshë, jam shumë i lidhur, kuptohet që përfshihet edhe Rinia në ministrinë që drejtoj, jam shumë i lidhur me një pjesë të madhe të atyre, po themi, shpesh artistë, inovatorë, krijues, njerëz të cilët unë i shoh dhe i njoh, gati-gati një pjesë të madhe të tyre e njoh nga bashkëpunimi që ata kanë me shtetin, me nivelin qendror të qeverisjes, skenën e pavarur, një pjesë e mirë e tyre mund të jenë edhe artistë që kanë lidhje me një pjesë të institucioneve artistike. Prandaj nuk diskutohet, ne jetojmë në Tiranë dhe e kemi shumë të qartë që është një situatë e cila kërkon një vëmendje dhe kërkon një analizë, kërkon një reflektim shumë të thellë nga çdokush.
Nuk jam nxituar dhe nuk jemi nxituar askush nga ne besoj, sepse duam që të kemi një qasje që të jetë sa më e peshuar, sa më e mirëmenduar dhe sa më e ekuilibruar në raport me atë që janë kërkesat e tyre. Në mënyrë direkte, çështja kryesore e kauzës së tyre është mjedisore, unë nuk është se e kam direkt në fushën time të përgjegjësisë. Por nga pikëpamja e pikëpyetjeve që kanë të bëjnë me projektet e turizmit, natyrisht që është në fushën e përgjegjësisë që mbuloj dhe natyrisht po punojmë që të gjithë informacionin, të gjithë po themi verifikimin nga pikëpamja e rëndësisë dhe vlerës së zhvillimit turistik, qoftë për zonën e Zvërnecit apo qoftë edhe për shembuj të ngjashëm qoftë në rajon, qoftë në Shqipëri, të jemi të përgatitur që në një dialog, në një moment që ne do të kemi natyrisht nevojë të komunikojmë dhe të shkëmbejmë informacion me njëri-tjetrin, kuptohet kur kjo të jetë edhe në një formë më të organizuar dhe më të strukturuar, e cila deri tani nuk ka ndodhur sepse ka pasur me sa duket edhe vetë protesta nevojën e vet që të shfryjë.
Dhe ne e respektojmë protestën. Ajo protestë vjen edhe sepse liria në vend është, besoj sot, në nivelin më të lartë të saj. Unë jam vetë një revolucionar edhe me pankarta, po jo dhe aq revolucionar si me thënë, i një natyre kaq të butë sa është kjo lëvizje sot. Pra, kam provuar edhe gjëra të tjera në kurriz dhe kemi rrezikuar edhe jetën. Por, dhe e di shumë mirë që nuk mund të themi dot sot që pritëm 36 vjet që të na vijë kjo ditë. Jo, sepse ne kemi luftuar deri vonë, deri në 2013-ën më së paku, në shumë e shumë prej betejave tona që të kemi lirinë që kemi sot parasysh dhe që kemi si, po themi, si një realitet në vendin tonë. Me këtë liri, natyrisht që pritshmëritë janë shumë të larta.
Pra, punët e mira dhe puna e madhe që është bërë që t’i rrisim pritshmëritë këtu ku janë, që ne sot të jemi duke diskutuar për flamingo dhe për ndjeshmëri që kanë të bëjnë me speciet, ndjeshmëri mjedisore, është një shenjë që ne kemi bërë progres të jashtëzakonshëm. Duhet ta ruajmë këtë forcë të demokracisë, duhet ta ruajmë këtë të drejtë, këtë po themi fjalë të lirë të grupimeve të kësaj proteste, por duhet që sa më shumë ajo të jetë e, si të them, e kuptuar, e dëgjuar për sa i takon asaj që është pjesa serioze, që është pjesa e qënësishme, që është pjesa kryesore e asaj proteste. Dhe për ato çështje që janë thelbësore, të rëndësishme dhe ku ka interes natyrisht për vendin dhe për punën që ne kryejmë, neve jemi duke marrë të gjitha masat që ne të jemi të përgatitur që ta adresojmë çdonjërën prej problematikave të protestës.
Jo, kjo pjesë nuk më takon as ta komentoj, as më takon ta adresoj në kuptimin direkt si ministër. Ju më pyetët si ministër. Në rast se më pyetni pastaj thjesht si një ish-student i Lëvizjes Dhjetori e të tjerë, unë kam përgjigje të plotë. Por besoj që ditën e çeljes së sezonit të Pogradecit nuk do t’ia dedikojmë vetëm kësaj proteste.
