Prodhuesit paralajmërojnë se pa ulje kostosh dhe politika mbështetëse fiskale, akullorja vendase do ta ketë të vështirë...
POLITIKE
‘Çmimi i naftës më i shtrenjti në Rajon’, Bardhi: Qeveria të ndërhyjë, të ulë taksat!
PiranjatPërditësimi i fundit 30 Gusht 2026, 13:04
Kreu i Grupit Parlamentar të PD. Gazment Bardhi u shpreh se çmimi i naftës në vendin tonë, është ndër më të shtrenjtit në rajon.
Përmes një statusi në rrjetet sociale, Bardhi shkruan se qeveria duhet të ndërhyjë përmes uljes së taksave, ndërsa barrën më të madhe e kanë qytetarët.
‘Me milionat e shtuara që arkëton nga rritja e çmimit të naftës, financon algoritmin e korrupsionit, përmes tenderave me vlera 2–3 herë më të larta, siç kemi parë në dosjet e Belinda Ballukut dhe Ergys Agasit’, shkruan Bardhi.
REAGIMI:
ALGORITMI I NAFTËS DHE ALGORITMI I EDI RAMËS
Edi Rama ka disa algoritme që funksionojnë prej vitesh në qeverisjen e tij.
Algoritmi i krimit të organizuar.
Algoritmi i pastrimit të parave.
Të gjitha bashkë formojnë algoritmin e Edi Ramës: qytetarët paguajnë gjithnjë e më shumë dhe marrin gjithnjë e më pak nga Qeveria.
Për ta kuptuar këtë algoritëm nuk na duhen teoritë e askujt. Mjafton të shohësh tabelën e çmimeve në pikën më të afërt të karburantit: Deri në 219 lekë për 1 litër naftë.
Algoritmi i naftës është fare i thjeshtë.
Nga 219 lekë që paguan qytetari, rreth 100 lekë janë taksa: akcizë, taksë qarkullimi, taksë karboni dhe TVSH.
Kur rritet çmimi, qytetari paguan më shumë. Kur qytetari paguan më shumë, Qeveria arkëton më shumë. Dhe ndërsa Qeveria përfiton nga rritja e çmimit, ajo nuk kthen asgjë tek qytetari.
Pse Qeveria ka bërë këtë zgjedhje?
Sepse prioritet për Edi Ramën nuk është algoritmi i mirëqenies. Me milionat e shtuara që arkëton nga rritja e çmimit të naftës, financon algoritmin e korrupsionit, përmes tenderave me vlera 2–3 herë më të larta, siç kemi parë në dosjet e Belinda Ballukut dhe Ergys Agasit.
Që çmimet janë rritur kudo, nuk është justifikim. Pse nafta është më e lirë kudo në rajon? Sepse qeveritë atje kanë përdorur mekanizma që amortizojnë rritjen ose e kufizojnë atë. Në Shqipëri, Edi Rama funksionon me algoritmin e tij: pret që nafta të shkojë 220 lekë për litër dhe pastaj të ndërhyjë tek akciza.
B — BESIM? Prit sa të shkojë 220 lekë/litër.
E — EMPATI? Zero ulje taksash.
S — SHËRBIM? 219 lekë/litër.
A — ANGAZHIM? Më shumë fitime për Qeverinë.
Tre muaj më parë, Edi Rama refuzoi me votë propozimin e Partisë Demokratike për uljen e çmimit të karburanteve përmes dy mekanizmave:
1. Ulja e taksës së qarkullimit
2. Një mekanizëm automatik që, kur shteti mbledh më shumë TVSH për shkak të rritjes së çmimit të karburantit, këtë të ardhur shtesë t’ua kthejë qytetarëve përmes uljes së akcizës.
Jemi ende në kohë që algoritmi i naftës të ndryshojë dhe propozimi i refuzuar tre muaj më parë të vihet në punë. Por për ta bërë këtë, duhet të ndryshojmë algoritmin kryesor: t’i bëjmë naftën Edi Ramës.
