Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Memorandumi i sigurisë me Kosovën dhe Kroacinë, ministri Vengu: Janë bërë disa përpjekje për të krijuar situata destabilizmi! Mali i Zi dhe Maqedonia e Veriut mund të na bashkohen
n.fPërditësimi i fundit 19 Mars 2025, 21:39
TIRANË- Ministri i Mbrojtjes, Pirro Vengu ka dhënë më tepër detaje rreth marrëveshjes Shqipëri-Kosovë- Kroaci. Vengu i ftuar në “Tonight” në Euronews Albania tha se ka pasur përpjekje në zonën kufitare të Kosovës për të krijuar situata destabilizimi dhe situata që kërcënojnë rendin dhe sigurinë. Ministri shtoi se kanë kërkuar shpesh nga NATO që të kërkojë një vigjilencë më të madhe dhe KFOR të ketë instrumente më të mëdha operacionale dhe mjetesh në dispozicion në terren.
“Vlerësimi ynë dhe i të gjitha strukturave aleatë në fakt është se në zonën kufitare janë bërë disa përpjekje për të krijuar situata destabilizmi dhe situata që kërcënojnë rendin dhe sigurinë. Ne duhet të jemi shumë të vëmendshëm dhe vigjilentë që ti parandalojmë këto situata. Ndaj ne kemi kërkuar në mënyrë të përsëritur që NATO të kërkojë një vigjilencë më të madhe dhe KFOR të ketë instrumente më të mëdha operacionale dhe mjetesh në dispozicion në terren. Kërcënimet mund të jenë edhe të natyrës hibride, krime kibernetike, sabotazhe, elementë të kësaj natyre që mund të krijojnë destabilizim. Gjithashtu kemi kërkuar që qeveria e Kosovës të rakordojë të gjitha veprimet e saj me KFOR-in," tha Vengu.
Ai shtoi se marrëveshja është e hapur dhe nuk është një marrëveshje ekskluzive. Vengu shtoi se janë të hapur nëse vende të tjera duan të bashkohen në këtë marrëveshje ndërsa përmendi Malin e Zi dhe Maqedoninë e Veriut.
“Kjo është një marrëveshje e hapur, nuk është një marrëveshje ekskluzive. Patjetër që është një marrëveshje ku rëndesa jepet nga përfshirja e këtyre tre shteteve ta para. Ne kemi pasur interes edhe nga kolegët Bullgarë për tu përfshirë, sepse edhe ata kanë të njëjtin lexim të kërcënimeve në rajon, kanë të njëjtin dedikim për sa i përket destabilitetit. E njohin Kosovën dhe rëndësinë që ka integriteti i saj, sikundër kemi dhe një bashkërendim kur vjen puna te mënyra se si e konsiderojmë rëndësinë e korridorit 8. Nëse Mali i Zi dhe Maqedonia e Veriut do kenë dëshirën për t’ju bashkëngjitur parimeve të kësaj marrëveshje, pa dyshim jemi krejt të hapur,” shtoi ai.
