Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"NATO dhe BE qëndrojnë si forca të pakrahasueshme!" Konferenca e shefave të Shtabit të A-5, Vengu: Kosova e ka vendin në këtë tavolinë
M.B.Përditësimi i fundit 18 Shtator 2024, 10:16
TIRANA- Ditën e sotme ka nisur konferenca e 27-të e Shefave të Shtabit të Përgjithshëm të Iniciativës SHBA–Karta e Adriatikut (A-5) me në fokus zhvillimet dhe dinamikat në mjedisin e sigurisë në rajon dhe më gjerë, rritja e shpenzimeve të Mbrojtjes mbi pragun 2% e Produktit të Brendshëm Bruto si një mënyrë për të përmbushur objektivat e kapaciteteve të Aleancës dhe objektivat e planifikimit dhe rishikimit të NATO-s për vendet partnere.
Gjatë fjalës së tij në konferencë, ministri i Mbrojtjes Pirro Vëngu, tha se Kosova duhet të jetë pjesë e konferencës dhe vendi i saj është në tavolinën e mbledhur sot. Ai ka shtuar se duhet bashkëpunim dhe mosrënie pre e palëve të treta që duan përçarje, ndërsa evidentoi se NATO dhe BE qëndrojnë si forca të pakrahasueshme dhe roli i tyre në rajon është i pazëvendësueshëm.
"Mirë se erdhët në Tiranë. Siguria nuk njeh kufi. Duke forcuar ndërveprimin rrisim kapacitetet e mbrojtjes dhe bëjmë që vendet tona të përgjigjen më shpejt në raste agresioni. E domosdoshme të avancojmë parimet që i ritëm me shumë mund, dhe të mos vetëkënaqemi nga çfarë kemi arritur. E rëndësishme të mos biem pre e ndërhyrjeve të palëve të treta që duan të na përçajnë, e duhet t’i përgjigjemi me një front të përbashkët. Historia nuk ka qenë bujare me rajonin tonë, por nuk duhet të mbetemi peng të së shkuarës. Kosova e ka vendin në këtë tavolinë. Në një botë që ndërlidhet më shumë është e domosdoshme të punojmë bashkë. NATO dhe BE qëndrojnë si forca të pakrahasueshme", tha Vengu.
Kjo konferencë po bashkëkryesohet nga shefi i Shtabit të Përgjithshëm të FARSH gjeneralmajor Arben Kingji komandanti Suprem i Forcave Aleate në Evropë, njëherazi Komandant i Forcave amerikane në Europë, gjeneral Christopher G. Cavoli të cilët gjithashtu mbajtën secili fjalën.
"Misioni ynë nuk mbaron me anëtarësimin në NATO. Morëm përsipër për të kontribuuar në Irak. A5 platformë bashkëpunimi, krijimi i kushteve për bashkimin të Kosovës do të sjellë një vlerë të shtuar për iniciativën dhe bashkëpunimin rajonal", tha Gjeneralmajor Arben Kingji.
"Jemi të kënaqur që jemi në Tiranë, faleminderit zoti Begaj dhe ministri Vëngu që na lejuat të ishim këtu. Rajoni është një pjesë kritike e Europës. Konferenca, themel dhe punë që të çojmë para për një të ardhme me prosperitet", tha Gjeneral Christopher G. Cavoli.
Ministri Pirro Vëngu: Mirë se erdhët në Tiranë. Siguria nuk njeh kufi. Duke forcuar ndërveprimin rrisim kapacitetet e mbrojtjes dhe bëjmë që vendet tona të përgjigjen më shpejt në raste agresioni. E domosdoshme të avancojmë parimet që i ritëm me shumë mund, dhe të mos vetëkënaqemi nga çfarë kemi arritur. E rëndësishme të mos biem pre e ndërhyrjeve të palëve të treta që duan të na përçajnë, e duhet t’i përgjigjemi me një front të përbashkët. Historia nuk ka qenë bujare me rajonin tonë, por nuk duhet të mbetemi peng të së shkuarës. Kosova e ka vendin në këtë tavolinë. Në një botë që ndërlidhet më shumë është e domosdoshme të punojmë bashkë. NATO dhe BE qëndrojnë si forca të pakrahasueshme.
