Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Ndarja nga jeta e Kryepeshkopit/ "Udhëheqës shpirtëror dhe shërbëtor aktiv i njerëzimit", Mitsotakis: Zëri i tij mund të jetë heshtur por ai do të transmetojë përgjithmonë mesazhe të bashkëjetesës paqësore
n,fPërditësimi i fundit 25 Janar 2025, 14:05
ATHINË- Kryeministri grek, Kyriakos Mitsotakis ka reaguar në lidhje me ndarjen nga jeta të Kryepeshkopit Anastas Janullatos. Në reagimin e tij Mitsotakis shprehet se diaspora në Shqipëri, atdheu dhe helenizmi në tërësi janë në zi për ndarjen nga jeta të Anastasit.
Ai tha se kryepeshkopi dha një kontribut të paçmuar për botën ortodokse dhe ka lënë gjurmë të pashlyeshme jo vetëm në Shqipëri por në çdo cep të tokës ku jeton dhe merr frymë helenizmi.
“Sot diaspora në Shqipëri, atdheu dhe helenizmi në tërësi janë në zi për ndarjen nga jeta të Anastasit. Ai ishte njëkohësisht një udhëheqës shpirtëror dhe një shërbëtor aktiv i njerëzimit dhe i të drejtave të tij. Herë si ndihmës i fëmijëve të Afrikës dhe herë si mbështetës i studentëve grekë që i rezistuan diktaturës”, tha ai.
Mitsotakis shtoi se kryepeshkpo ishte si një pionier i kishës në Shqipëri dhe pionier i interesave të komunitetit grek në Shqipëri. Ai shtoi se ndërsa zëri i kryepeshkopit mund të jetë heshtur, ai do të transmetojë përgjithmonë mesazhe të jetës dhe të bashkëjetesës paqësore.
