Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Ndërtuesit/ Andoni: Lista e zezë e Ramës s’do funksionojë. Do ketë sërish klientë të kryeministrit
PiranjatPërditësimi i fundit 9 Shtator 2025, 15:39
Analisti Ben Andoni duke komentuar në edicionin e lajmeve në MCN TV deklaratat e sotme të kryeministrit Edi Rama tha se lista e zezë e ndërtuesve nuk do të funksionojë. Andoni thekson që “ata që janë klientë të z.Rama do vazhdojnë të jenë klientë”. Analisti mendon se lista e zezë mund të prekë vetëm ndërtues të nivelit të dytë dhe të tretë.
“Jemi në absurdin e z.Rama. Ka kohë që ka humbur lidhjen me realitetin. Ministrja paraqiti turizmin e vendit tonë me notat më sipërore, patjetër që çdo gjë e mire që dëgjojmë për Shqipërinë është inkurajuese, por realiteti s’është ai që thotë zonja. Zonat e mbrojtura natyrore janë shumë të prekura. Shqetësuese është që pas 12 vjetësh socialistët shprehen në këtë lloj mënyre.
Do të thosh të largosh vëmendjen nga problematikat reale të vendit.
Z.Rama duhet të kuptojë që nga artikulimi në zbatim është një fazë e madhe. Është një strukturë e tërë për të cilën ai dhe njerëzit e tij janë përgjegjës. Pjesa më e madhe e individëve që drejtonin bashkitë dhanë dorëheqjen në mënyrë kolektive. Diskursi i Ramës është i drejt parimisht, por moralisht lë shumë për të dëshiruar. Shumica e kullave në Shqipëri përfaqësohen nga leje me jashtëzakonisht probleme dhe individë kapitalet e të cilëve s’i justifikojnë këto investime.
Z.Rama e ka humbur komplet lidhjen me realitetin. Lista që thotë z.Rama s’besoj se do funksionojë, pasi ata që janë klientë të z.Rama do vazhdojnë të jenë klientë. Lista e zezë do ngelet për ndërtues të nivelit të dytë apo të tretë, që sfidojnë pushtetin lokal dhe s’duan t’ia dinë për ligje. Rama duhet të shkundë administratën e vet. Kemi akoma probleme me Kadastrën në 2025-ën!” Andoni mendon se 4 ministra të mundshëm të qeverisë Rama 4 do jenë Balluku, Spiropali, Vëngu, do të rikthehet Çuçi, ndërsa pjesa tjetër do jenë ministra teknikë.
