Nga Jesus Antonio Blancuiqet, EL TIEMPO
Për muaj me radhë, historia e Enid Kasmit në Venezuelë ishte e rrethuar nga pikëpyetje. Kur u ...
POLITIKE
Ndryshimet në Kodin e Procedurës/ Kalaja: Rama po mbron veten! Preket edhe dëshmitari, bllokohet drejtësia
PiranjatPërditësimi i fundit 1 Tetor 2026, 20:50
Avokatja Adriana Kalaja, e ftuar në SYRI TV në një intervistë me Edvin Parrucën, ka ngritur akuza të forta lidhur me ndryshimet e njoftuara në Kodin e Procedurës Penale.
Sipas saj, ndryshimet mund të ndikojnë drejtpërdrejt në hetimet që mund të prekin zyrtarë të lartë dhe familjen kryeministrore, duke pretenduar se Edi Rama po përcakton “rregullat e lojës” në funksion të interesave të tij personale.
Kalaja u ndal edhe te një element që, sipas saj, nuk po merr vëmendjen e duhur: ndryshimet që prekin figurën e dëshmitarit dhe bashkëpunëtorit të drejtësisë.
Ajo argumentoi se ky mekanizëm ka ndihmuar në zbardhjen e hetimeve të rëndësishme dhe paralajmëroi se ndryshimet mund të sjellin pasoja të drejtpërdrejta në proceset Penale.
Intervista në studio:
Kalaja: Përveç asaj që ka ndodhur, që ne nuk e shpëtojmë dot, pra ajo që iku iku, se është përgjegjësi personale dhe kanë ngrënë dardha dhe mollë pas kurrizit të tij, tani problemi, frika dhe paniku që unë pashë dje, ka të bëjë me atë çfarë do ndodhi nesër. Pra, nëse nesër SPAK-u guxon dhe zbaton ligjin, zbaton Kushtetutën dhe shkon tek familja kryeministrore...
Parruca: E vetmja ajo ka ngelur tani.
Kalaja: Tek Olsi Rama, tek Linda Rama, dhe tek Edi Rama. Nuk dua të përfshij pjesëtarë të tjerë të familjes sepse realisht nuk kam asnjë lloj interesi, edhe Linda Rama, për të cilën unë në fakt e kam kallëzuar se kam prova që ka grabitur prona dhe para publike. Prapë, i qëndroj arsyetimit që gratë e politikanëve dhe burrat e politikanëve të përgjigjen për atë që kanë bërë dhe nuk kanë asnjë përgjegjësi për t'u përgjigjur se çfarë bën bashkëshorti. Dhe kur flas për përgjegjësi penale në raport me kryeministrin, kemi dhe dy përgjegjësi të tjera të cilat ai mundohet t'i anashkalojë.
Por më e rëndësishmja se të gjitha këto është që, me ndryshimet e Kodit të Procedurës Penale ai do t'i mbysi fare, përgjegjësinë politike dhe përgjegjësinë morale. Pra, ne jemi të gjithë koshientë që përgjegjësia penale është personale, por në të bërit politikë, nuk ka ndarje me thikë që këtu mbaron përgjegjësia e Vlora Hysenit dhe këtu fillon përgjegjësia e Ergis Agasit. Dhe tek e fundit është më e domosdoshme që ne të merremi me Vlora Hysenin, me Edi Ramën dhe me këdo zyrtar tjetër, sepse një person që as nuk e kemi votuar as nuk ka patur një funksion të caktuar publik, përveç funksionit pa portofol që ka qenë marrëdhënia me botën e krimit. Është shumë e dëmshme në këndvështrimin tim, sepse përveçse paralizon punën e prokurorit, i cakton Kodit drejtimet që në disa raste mund të dali dhe gjatë hetimit...
Parruca: Për shembull, se dua ta bëjmë një çikë më të qartë për publikun.
Kalaja: Po, se janë disa gjëra, nuk është vetëm çështja e paraburgimit aty. Janë prekur shumë gjëra.
Parruca: E qartë, që t'i sqarojmë të gjitha.
Kalaja: Po ka dhe një element që nuk po diskutohet as nga media, as nga opozita, as nga njëri. Po preket edhe elementi i figurës së dëshmitarit. Pra bashkëpunëtorit të drejtësisë. Çfarë ka treguar koha deri tani? Shumë problematika janë zgjidhur për shkak të bashkëpunëtorit të drejtësisë. Tani ne po mundohemi ta zhbëjmë këtë.
Është shumë e rëndësishme që edhe nëse jemi përpara rastit të zhbërjes të një procesi, të një subjekti, në një hetim penal, ajo do një punë serioze, një punë të gjatë, po patjetër do ashtu siç e tha dhe zoti Berisha, edhe një konsultim me Komisionin e Venecias, i cili është një komision për shkak të integritetit profesional i admirueshëm, por edhe për shkak të mospasjes së konfliktit të interesit me problematikën shqiptare, është i besueshëm. Në këtë këndvështrim, unë mendoj që janë shkelur të gjitha hapat në raport me ndryshimin e Kodit të Procedurës Penale dhe ne po na shitet si një eksperiencë që është marrë nga Italia, nga Franca, nga Britania. Pavarësisht, me gjithë respektin që unë kam për kodet e atyre vendeve, të cilat kanë pika takimi me Kodin tonë, po kanë edhe pika ndarje goxha thelbësore, ajo që unë dua të përcaktoj i nderuar është fakti që, Kodi i Procedurës Penale përcakton dhe rrugën se si mund të shkojmë te Kodi Penal.
Pra, nëse ne nuk e kemi të shtruar mirë Kodin e Procedurës Penale, ne krijojmë problematika shumë të rënda dhe te Kodi Penal. Prandaj dhe unë them që ndryshimet që duhen bërë te Kodi i Procedurës Penale, pavarësisht mund të ketë ardhur koha për të bërë një kod të ri, unë personalisht them që duhet bërë një kod i ri dhe jo të arnohet, sepse arna arnë mbetet. Pra, nëse ne sot ndryshojmë disa nene, dhe lëmë të pandryshuara, sepse s'kemi marrë akoma informacionin se çfarë po ndodh me Kodin Penal, ndërkohë që nën rreshta thuhet dhe për Kodin Penal që do ndryshohet.
