Nga Jesus Antonio Blancuiqet, EL TIEMPO
Për muaj me radhë, historia e Enid Kasmit në Venezuelë ishte e rrethuar nga pikëpyetje. Kur u ...
POLITIKE
I riu nga sheshi mesazh Von der Leyen: Shqiptarët shtojnë edhe një tjetër kapitull për anëtarësimin në BE, Edi Rama dhe të tjerët të shkojnë në burg
PiranjatPërditësimi i fundit 1 Tetor 2026, 20:06
Një protestues, teksa mori fjalën në protestë, u ndal tek vizita e Presidentes së Komisionit Evropian, Ursula Von der Leyen një ditë më parë në Tiranë, ndërsa komentoi edhe ecurinë e Shqipërisë në lidhje me kapitujt për integrimin.
Ai i përcolli një mesazh diplomates evropiane, teksa tha se qytetarët shtojnë edhe një tjetër kapitull për t’u integruar, që kryeministri Edi Rama dhe të tjerë që kanë vjedhur të shkojnë në burg.
Sipas tij, politika e ka penguar procesin e integrimit në Union, pasi Shqipëria, me potencialet që ka, do të ishte bërë anëtarë prej kohësh.
“Nuk duhet të lejojmë që anëtarësimi në BE të na e tundin si lodër dhe zvarritje pafund, sepse Shqipëria me potencialin që ka, duhet të ishte shumë kohë më parë në BE. I them zonjës Von der Leyen të dëgjojë këtë protestë, sepse kjo protestë nuk është tregues i një shoqërie demokratike siç thotë Rama, por realiteti shqiptar.
I themi zonjës Von der Leyen se shqiptarët për t’u integruar në BE kanë shtuar edhe një kapitull shumë të rëndësishëm, që të çojnë në burg Edi Ramën dhe të gjithë politikanët që kanë vjedhur deri më sot. Këta politikanë kanë qenë gjithmonë pengesë dhe e kanë zvarritur këtë proces dhe nuk iu ka interesuar kurrë ta çojnë Shqipërinë në BE. Nuk mund të jesh vend i BE dhe të vjedhësh në këtë mënyrë si vjedhin këta. “, tha ai.
Ai theksoi se protesta e tyre, që vijon prej muajsh, është një revolucion, do ta nxjerrë vendin nga pengmarrja dhe do të hapë një kapitull të ri zhvillimi
