"Në këtë situatë do të duhet ruajtur fytyrën!" Nuk mori asnjë mandat në zgjedhje, Alibeaj: Rezultati im ishte dështim!

TIRANA- Koalicioni "Djathtas për Zhvillim" i Enkelejd Alibeajt dhe Dashamir Shehit nuk moriasnjë mandat nga zgjedhjet e 11 majit. Lidhur me rezultatin, së fundmi Alibeaj ka pranuar në Euronews Albania se ajo që ndodhi me koalicionin e tij ishte një dështim.

Sipas tij, në këto situata secili politikan duhet të ruajë seriozitetin dhe fytyrën duke pranuar rezultatin, sado zhgënjyes qoftë ai. Gjithashtu Alibeaj tha se çështja e sistemit në 26 korrik të vitit të kaluar nuk ishte gjë tjetër veçse një dorëzim në tavolinë prej kryedemokratit Sali Berisha. 

Pjesë nga fjala e Enkelejd Alibeajt:

Duhet të japë sinjale duke filluar nga vetja. Rezultati që kam marrë unë është dështim. Është e udhës që dhe në këtë situatë do të duhet ruajtur fytyrën, serioziteti emancipimi politik po të doni ju. Po, unë nuk jam nga ata s’më keni dëgjuar gjatë fushatës të bëja nga ato parashikimet, kontributi im do të ishte i suksesshëm nëse do të arrinim një situatë që Rama mos ishte kryeministër.

Kur e them këtë nuk e them vetëm për veten, e thosha dhe duke parë atë që perceptoja. Dola i pasuksesshëm. Tani dalim te arsyet, unë nuk dua të qahem për të gjitha pengesat apo disavantazhet, por për interes publik duhet ti them. Çështja e sistemit në 26 korrik të vitit të kaluar nuk ishte gjë tjetër veçse një dorëzim në tavolinë prej Sali Berishës. 

Gjatë kohës që isha unë përfaqësues i opozitës kërkesat e Ramës ishin të thjeshta, më jep primin. Nuk kishte asnjë shans. Erdhi Berisha dhe ja dha primin. E mbani mend atë 12 mandate që thashë unë, 12 mandate  iu dhanë në tavolinë. Ka marrë sot 53%, logjikisht duhet të ishte diku 74 mandate, numëron 83. 

Pra ka marrë 9 mandate më tepër përveç kësaj që vjet dha sinjalin në publik që loja ishte shitur. Mendoni ju se njerëzit janë kaq të paaftë sat ë kuptojnë këtë sinjal? Dalim te partitë e reja. Ju thoni nuk je votuar. Unë them po.  Rezultati është i tillë që jo më pak se 170 mijë shqiptarë që kanë votuar partitë e reja, përjashtuar Tom Doshin, se nuk është parti e  re dhe nuk është as parti e vogël madje përdor dhe mjete që e shkuara ka treguar që përdor mjete si Rama dhe Berisha.

enkeljed alibeaj