Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
POLITIKE
"Në PD do të bëhen zgjedhje në të gjitha nivelet", Berisha: Do të përsosim edhe procesin e primareve
PiranjatPërditësimi i fundit 31 Janar 2026, 13:46
Sali Berisha ka theksuar rëndësinë e zhvillimit të zgjedhjeve brenda Partisë Demokratike në të gjitha nivelet, duke përfshirë dhe procesin e primareve.
Ai ka garantuar se, pavarësisht kritikave të ngritura për primaret, PD do të vazhdojë t’i zhvillojë ato, pasi heqja e tyre do të përbënte heqjen e mundësisë për të marrë parasysh vullnetin e anëtarësisë.
Berisha ka nënvizuar se organigrama drejtuese e partisë do të përcaktohet mbi bazën e votës së anëtarësisë, duke siguruar se çdo nivel, nga kryetari deri tek degët e seksionet, do të jetë i zgjedhur demokratikisht.
Përfundimisht, ai ka shprehur optimizëm për të ardhmen e PD-së, duke theksuar datën 10 shkurt si momentin kur do të provohet angazhimi i partisë.
Fjala e tij:
Mesazhi im është, u falënderoj përzemërsisht që më ndoqët në këtë bisedë.
Besoj se u thashë përgjigje pyetjeve tuaja, përveçse njërit që tani më vjen në mendje, i cili pyeti se a do bëhen zgjedhje.
U garantoj se në PD do bëhen zgjedhje në të gjitha nivelet, dhe u garantoj se me të gjitha kritikat që bëhen për primaret, unë kërkoj mirëkuptimin tuaj se heqja e primareve do të thotë heqje e marrjes parasysh të vullnetit të anëtarëve.
Dhe nuk duhet të kërkojmë këtë, por do bëjmë çmos t’i përsosim ato. Dhe mbi bazën e votës së anëtarësisë do të zgjidhet e gjithë organigrama drejtuese nga kryetari gjer tek degët, seksionet e PD-së.
Faleminderit shumë dhe prova jonë, ora jonë është data 10 shkurt, ora 5.
