Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
"Në TIMS janë dhënë dëshmi tronditëse"/ Bardhi: SPAK të veprojë shpejt për lidhjen e politikës me krimin!
b.zPërditësimi i fundit 5 Qershor 2024, 15:12
Gazmend Bardhi
TIRANË - Kreu i Grupit Parlamentar në Partinë Demokratike, Gazmend Bardhi ka deklaruar këtë të mërkurë se Prokuroria e Posaçme SPAK duhet të veprojë shpejt për lidhjen mes politikës e krimit. Në një konferencë për shtyp Bardhi deklaroi se opozita pret që SPAK të përmbushë misionin për të goditur krimin e organizuar e të mbajnë përgjegjësi politikanët që prej 11 vitesh dhunojnë çdo proces zgjedhor sipas tij me ndihmën e krimit të organizuar.
Bardhi: SPAK të veprojë shpejt për lidhjen mes politikës e krimit. Opozita pret që SPAK të përmbushë misionin për të goditur krimin e organizuar e të mbajë përgjegjësi politikanë t që prej 11 vitesh dhunojnë çdo proces zgjedhor, me ndihmën e krimit të organizuar.
Apeloj çdo qytetar të marrë pjesë në protestën e orës 10:00 duke shprehur vendosmërinë se nuk pajtohemi me faktin që një qeveri e një vendi anëtar të NATO-s të miratojë ligje e të fuqizojë grupe kriminale.
Në emër të grupit të PD i bëj thirrje Nikollës të respektojë Kushtetutën e Rregulloren.Kërkesa për mocion me debat, duhet të ishin mbledhur sot Konferenca e Kryetarëve për të caktuar kohën për debat. Nëse mendon se do t’ia hedhë me injorim të kërkesën, kjo do ishte e pranueshme për grupin tonë”, tha ai.
Bardhi komentoi edhe mbledhjen e djeshme në komisionin hetimor për TIMS, ku tha ndër të tjera se janë dhënë dëshmi tronditëse.
“Dëshmi tronditëse nga TIMS. Ajo që tha opozita për të ndryshuar të hënat është konfirmuar dje. Ndaj duan mbylljen e dyerve sepse kanë përdorur një sistem të sigurisë kombëtare për të ndihmuar grupet kriminale. Kanë fshirë të dhëna siç u ka dashur qejfi. Ky është një projekt politik”, tha Bardhi.
