Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Në vend të bënte reforma bëri Rama-formë", Rezoluta e PS-së, Meta: Qeveria e përfshirë në akte korruptive, i flaku qytetarët në mes të rrugës
M.B.Përditësimi i fundit 8 Maj 2024, 14:46
Ilir Meta
TIRANA- Presidenti i Partisë së Lirisë, Ilir Meta, ditën e sotme gjatë një konference për shtyp, ka komentuar rezolutën e PS-së të prezantuar një ditë më parë për thellimin e reformave. Meta tha se kjo është një manovër dhe gënjeshtër e radhës e kryeministrit Edi Rama, pasi në 11 vite ne pushtet, sipas tij, nuk ka bërë asnjë reformë, por vetem 'Rama-forma'. Ai shtoi se protesta e djeshme ishte tregues që konsistonte në rritjen, shpartallimin e barrikadave që kërkojnë të asgjësojnë llogaridhënien e kryebashkiakut të kapur në flagrancë, sipas tij.
“Lidhur me këtë manovër dhe gënjeshtër të radhës, si nuk i mjaftuan 11 vjet këtij njeri për të bërë reformat?! Ky i flaku qytetarët e ndershëm në mes të rrugës. Ju e dini reformën e madhe të ujësjellësit, më ka ngel mua që të hipi tek depozituat që të fillojnë të gjejnë ndonjë zgjidhje, se ujit këta nuk i bëjnë derman, edhe pse e premtuan ujë Korçe me cilësi Bathore thanë.
Ky nuk la premtim pa bërë dhe reformë pa bërë, por në vend të bënte reforma bëri Rama formë, përfshirë edhe reformën në drejtësi, reformën në administratë. E gjithë qeveria është e përfshirë në akte korruptive flagrante. Tani ka hallin e integrimit Evropian ku që refuzoi Bundestagun që të bënte zgjedhje gjithëpërfshirëse.Është vonë për të bërë ndonjë reformë përveçse dorëzimit para drejtësisë...
Protesta e djeshme ishte tregues që konsistonte në rritjen, shpartallimin e barrikadave që kërkojnë të asgjësojnë llogaridhënien e kryebashkiakut të kapur në flagrancë, tregoi se qytetarët e Tiranës do ta marrin në duart e tyre bashkinë shumë shpejt. E njëjta gjë duhet të ndodhë edhe në Kuvend, ku duhet të garantohet llogaridhënie njëherë e përgjithmonë”, tha Meta.
