Efektivi Edison Adri kishte marrë plumb në nofull dhe siç raportohet i ka ikur edhe gjuha.
Mjeku i Traumës konfirmoi se efektivi do fut...
POLITIKE
"Nesër kundër drejtësisë politike të narkoshtetit," Berisha: Të dalim në shesh për t’i thënë mafies shqiptare dhe ndërkombëtare se ky vend nuk është koloni!
n.fPërditësimi i fundit 10 Korrik 2024, 21:01
Berisha
TIRANË- Kreu i Partisë Demokratike, Sali Berisha ka mbajtur edhe mbrëmjen e sotme një fjalim nga ballkoni i tij para mbështetësve. Gjatë fjalës së tij Berisha foli në lidhje me protestën e 11 korrikut që do të mbahet nesër.
Berisha iu drejtua qytetarëvë të protestojnë nesër kundër drejtësisë politike të narkoshtetit. Ai shtoi se qyteraët janë dëshmitarë se si Ballkani i Hapur po rrënon çdo ditë prodhimet e fermerëve. Ai shtoi se i korrupsioni i qeveritarëve, i pushtetarëve lokalë po falimenton çdo ditë fermat shqiptare.
"Thirrja ime është për çdo fermer shqiptar, bashkohuni nesër në sheshet dhe rrugët e Tiranës me ne, sepse nuk keni pasur kurrë pas hiperkolektivizimit, armik më të egër të qenies suaj, të suksesit tuaj, të fermave tuaja se regjimi i Edi Ramës. Ju jeni dëshmitarë se si Ballkani i Hapur po rrënon çdo ditë prodhimet tuaja. Se si korrupsioni i qeveritarëve, i pushtetarëve lokalë po falimenton çdo ditë fermat tuaja.
Se si po vjedh subvencionet tuaja. Bashkohuni me ne në ditën e betimit të madh, në ditën e besës së madhe për shqiptarët, të ngrihemi si viganë për të ecur drejt zgjedhjeve të lira, drejt fitores së opozitës. Thirrja ime sonte është për çdo polic të ndershëm, për çdo ushtarak të ndershëm dhe patriot, për të gjithë ata që janë jashtë detyre nesër, të bashkohen me ne në shesh se vendi i tyre, siguria e këtij vendi nga mafia më e rrezikshme në Europë është më e kërcënuar se kurrë. Ndaj dhe me guxim, me vendosmëri, bashkohuni me qytetarët në betimin e tyre të madh për qeveri teknike dhe zgjedhje të lira.
Thirrja ime sonte është për çdo qytetar dhe qytetare që beson se pa drejtësi nuk ka liri dhe që beson se drejtësia e re e Edi Ramës është mungesa e drejtësisë për shqiptarët, është drejtësia politike e narkoshtetit. Por pa drejtësi, të ardhme nuk ka. Pa drejtësi, ka vetëgjyqësi. Pa drejtësi, ka kaos, krim. Ndaj dhe të gjithë ata që besojnë tek ligji dhe drejtësia, nesër në shesh për të thënë fjalën e tyre," u shpreh kreu demokrat.
Berisha bëri thirrje që qytetarët të dalin në shesh për t’i thënë mafies shqiptare dhe ndërkombëtare se ky vend nuk është koloni, por vend i pavarur dhe sovran.
"Të dashur qytetare dhe qytetare, patriote dhe patriotë shqiptarë, u ftoj të gjithëve nesër në rrugët dhe sheshet e Tiranës. Në protestë dhe mosbindje civile ndaj një armiku të egër, të pashpirt të këtij kombi, që largoi në 8 vite rreth 40 përqind të shqiptarëve nga Shqipëria.
Ndaj një armiku që në 10 vite, i futi dhjetëra thika pas shpine Kosovës. Ndaj një armiku, për të cilin Shqipëria është për plaçkë tregu, për shkak të pushtetit të tij. Demokrate e demokratë, opozitare e opozitarë, qytetare e qytetarë, nesër çdo shqiptar del në shesh për dinjitetin e tij kombëtar. Për dinjitetin e tij njerëzor.
Të gjithë ata që besojnë se Shqipëria duhet të ketë opozitë të vërtetë dhe jo vegël të qeverisë. Për të gjithë ata që besojnë se shqiptarët duhet të zgjedhin vetë deputetët, kryetarët e tyre të partive, duhet të jenë në shesh për t’i thënë mafies shqiptare dhe ndërkombëtare se ky vend nuk është koloni, por është vend i pavarur dhe sovran. Se mafia nuk do të mposhtë kurrë shqiptarët. U bëj thirrje të gjithë socialistëve të zhgënjyer, shqiptarë dhe të paparti, të bashkohemi nesër në diversitet, siç u bashkuam ne demokratët për vlerat e lirisë.
Për interesin kombëtar. Për shpëtimin e Shqipërisë. O sot o kurrë. Nesër në shesh të gjithë! Nesër është ditë e nxehtë, por mbi vapën, mbi klimën, mbi çdo gjë do të ngadhënjejë guximi, forca, bashkimi i qytetarëve shqiptarë si kurrë më parë në rrugët dhe sheshet e Tiranës. Rrofshi ju, rroftë Shqipëria. Fitore, fitore, fitore!" përfundoi ai.
