Mbahet sot në orën 18:00 protesta e pestë e qytetarëve kundër projektit të ndërtimit të resortit në zonën e ...
POLITIKE
"Gërdeci"/ GJKKO shtyn seancën, Mediu: Procesi është kthyer në situatë absurdi, nuk ka interes për të vërtetën
r.llPërditësimi i fundit 10 Korrik 2024, 11:52
fatmir mediu
TIRANË- Ish-ministri Fatmir Mediu ka folur për mediat pas daljes nga gjykata. Mediu u shpreh se e gjithë procesi gjyqësor ndaj tij është kthyer në situatë asbsurdi.
Ish-ministri e cilësoi procesin si inkuizitor ku tha se gjëta po merren të mirëqena pa u përballur me faktet e shkruara për lidhjet dhe përgjegjësitë e ministrit me dëmin ekonomik. Mediu tha gjithashtu se ka kërkuar të bëhet një akt ekspertimi i ri meqë ka kaluar shumë kohë.
Mediu: Ato që ngrihen si pretendime shkojnë deri në absurditet. Na u tha që duhet të paraqesim pyetjet nesër me shkrim. Porcesi e kërkon që ne të bëjme debat me dëshmitarët e thirrur dhe ekspertët. Ky tashmë nuk është një debat por një proces inkuizitor, i cili synon t'i marrë gjërat si të mirëqena, pa pyetur pa bërë debatin gjyqësor dhe kështu me radhë. Pra për tu vendosur përballë disa fakteve të shkruara që nuk kanë asnjë lidhje me përgjegjësinë e ministrit. E gjitha kjo është një situatë absurdi dhe në këtë situatë absurdi duhet bërë kujdes edhe nga gjykata dhe prokurorët që ne të fitojmë kohën e nevojshme që të kemi proces korrek dhe jo proces sa për të kaluar radhën. Është pa sens e gjithë kjo. Le të bëhet një akt eskpertimi i ri meqenëse ka kaluar kohë. Një aktekspertimi që të vërtetojë përgjegjësitë që ka ministri në dëmin ekonomik që është shkaktuar.
Shkaku i shtyrjes së seancës për në 17 korrik, ora 09:00, ishte kërkesa e ekspertëve të thirrrur për të dëshmuar, të cilët kërkuan më shumë kohë që të njihen me aktin financiar. Pesë ekspertët e thirrur sot për të dëshmuar ishin Bexhet Zeqiri që është financier kontabël, aktualisht auditues pranë KLSH, Ymer Stafa-ekonomist, Rasim Metallari- financier, punonjës në Universitetin e Mjekësisë, auditues i brendshëm, Latif Çela- financier i lartë, auditues më Ministrinë e Financave si edhe Mond Hoxha- punonjës në sektor privat. Pas debateve dhe diskutimeve të zhvilluara gjykata vendosi të ndërpresë shqyrtimin gjyqësor dhe të shtyjë seancën në një datë tjetër për t’i dhënë mundësi palëve dhe ekspertëve.
