Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Nga 500 faqe të dosjes, 100 të parat janë njësoj si 100 të fundit!" Argita Malltezi: Berisha, 2 muaj e 3 javë pa rishikim gjyqësor!
M.B.Përditësimi i fundit 12 Shtator 2024, 22:22
Argita Malltezi
TIRANA- Vajza e kreut të Partisë Demokratike, Sali Berisha, Argita Malltezi, ka reaguar sot pas vendimit të SPAK për t’i komunikuar akuzën "korrupsion pasiv kryer në bashkëpunim", babait dhe bashkëshortit të saj. E ftuar në Çim Peka Live në SYRI TV, Argita Malltezi denoncoi procesin gjyqësor ndaj kreut të PD-Së, Sali Berisha dhe Jamarbër Malltezit, ku sipas saj të dy kanë 2 muaj dhe 3 javë pa rishikim gjyqësor dhe në momentin që nuk e bën prokurori ligji detyron gjykatën që ta bëjë.
Argita Malltezi tha se data për ta bërë raportimin e pestë ka qënë 27 gusht dhe se sot e kësaj dite nuk e kanë bërë akoma. Ajo shtoi se ky sistem drejtësie është aq i deformuar sa është denoncuar. Sipas saj, nga 500 faqe të dosjes, 100 faqet e para janë njësoj si 100 faqet e fundit, 200 faqe janë vendimi i arrestit dhe pjesa tjetër janë ujëra vetëm për të zgjatur fjalitë kot dhe pa asnjë lloj prove.
"Sali Berisha dhe Jamarbër Malltezi përveç vitit që kanë bërë në arrest shtëpie, ka një dispozitë Kodi i Procedurës Penale, që e detyron prokurorin të raportojë për ata që janë në gjendje arresti në burg apo në shtëpi. Data për ta bërë raportimin e pestë ka qënë 27 gusht, sot e kësaj dite nuk e kanë bërë akoma. Pra ata janë 2 muaj e 3 javë pa rishikim gjyqësor, ligji e përcakton që e merr gjykata eksoficio këtë kur nuk e bën prokurori por nuk e bën as gjykata këtë gjë, nuk e bën Irena Maneku, Gjoka, Spata, pavarësisht se e detyron ligji ta bëjë. Ky është një sistem aq i deformuar sa është denoncuar.
Katër vjet hetime, nuk kanë sjellë asnjë provë asnjë shkelje në këtë dosje. Ne nuk dimë aktet e këtyre 2 muajve dhe 3 javëve të fundit. Në 4 raportime nuk ka pasur asnjë fjalë për Sali Berishën dhe në fund të raportimit ishte shprehja standarde ‘për sa më lartë rezulton se nuk kanë ndryshuar kushtet për vijimin e arrestit’.
Nëse pas 1 viti kushtet për vijimin e arrestit nuk ndryshojnë dhe i ke njësoj si ditën e parë të procedimit çfarë do të thotë kjo që kushtet i ke më të forta apo më të dobëta, duhet të ishin forcuar kushtet që ai të vijonte të mbetej në arrest shtëpie. Nga 500 faqe të dosjes, 100 faqet e para janë njësoj si 100 faqet e fundit, 200 faqe janë vendimi i arrestit dhe pjesa tjetër janë ujëra vetëm për të zgjatur fjalitë kotë dhe pa asnjë lloj prove", tha Malltezi.
