Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Nga një vend që nuk ja hidhte kush qurret jemi bërë destinacion turistik", Rama: Ne kemi program qeverisës, jo program të dëshirave elektorale
r.llPërditësimi i fundit 8 Prill 2025, 10:05
edi rama
TIRANË- Kreu i qeverisë, Edi Rama teksa po iu përgjigjej komentuesve në rrjetet sociale tha se Shqipëria është në një fazë transformimi. Sipas tij, nga një vend që "nuk ja hidhte kush qurret" Shqipëria është kthyer në një destinacion turistik që rritet me shpejtësi.
Ai u shpreh se pensionet do të rriten ashtu siç e ka deklaruar gjatë prezantimit të programit, ndërsa duke ironizuar opozitën, tha se programi i PS është qeverisës dhe jo i dëshirave elektorale.
"Shqipëria është në një fazë transformimi, Shqipëria nga një vend që nuk ja hidhte kush qurret kur i thonë, në një vend që shihet me seriozitet, shihet si një destinacion turistik që rritet me shpejtësi marramendëse. Ne ndërkohë gjithë puna jonë është punë me një program tash e 12 vjet dhe çdo hap që bëjmë ne është i programuar. Ndërkohë kush flet në hava ka program. Na kanë dhënë një datë, na kanë dhënë një afat gjë që nuk e bëjnë zakonisht. Duan të japin një shenjë shumë të qartë jo për ne, por për botën se BE po zgjerohet dhe po unifikohet. BE ka dëshirë të zgjerohet, ka dëshirë të marrë 6 vendet e BE, por nëse thotë Shqipëria dhe Mali i Zi do të thotë që Shqipëria dhe Mali i Zi janë pranë plotësimit të kushteve të BE. Pensionet do të rriten ashtu sic e kemi thënë dhe sic e kam bërë publik qëndrimin tonë në atë prezantimin e objektivave të programit tonë qeverisëse. Se ne kemi program qeverisës, jo program të dëshirave elektorale.", tha Rama.
