Prokuroria e Tiranës ka regjistruar vetëm tre procedime penale lidhur me dëmtimet e shkaktuara protestuesve gjatë javës së fundit,...
POLITIKE
Nis sot punimet Samiti për paqen në Ukrainë, Shqipëria dhe Kosova përfaqësohen në nivel presidentësh
M.B.Përditësimi i fundit 15 Qershor 2024, 08:30
Bajram Begaj dhe Vjosa Osmani
ZVICRA- Sot nis punimet Samiti për paqe në Ukrainë, që do të mbahet në Burgenstok të Zvicrës, ku do të marrë pjesë dhe Presidenti i Shqipërisë Bajram Begaj dhe Presidentja e Kosovës, Vjosa Osmani. Samiti i nivelit të lartë, i cili do t’i mbledhë liderët botëror për të diskutuar rëndësinë dhe mënyrat e vazhdimit të mbështetjes për Ukrainën, do të përqendrohet edhe në rëndësinë kritike të arritjes së paqes në Ukrainë.
Në njoftimin e presidencës së Shqipërisë thuhet se Samiti do të bazohet në diskutimet, veçanërisht mbi formulën e paqes në Ukrainë, propozimet e tjera të paqes bazuar në Kartën e OKB-së dhe parimet kryesore të së drejtës ndërkombëtare.
Ndërsa në njoftimin e presidencës së Kosovës thuhet se Osmani do ta riafirmojë përkushtimin e Republikës së Kosovës për ta vazhduar mbështetjen për Ukrainën deri në fitore, si dhe do të flasë për rëndësinë e mbështetjes gjithëpërfshirëse globale për t’u arritur paqe afatgjate dhe e qëndrueshme.
“Presidentja Osmani do ta riafirmojë përkushtimin e Republikës së Kosovës për ta vazhduar mbështetjen për Ukrainën deri në fitore, si dhe do të flasë për rëndësinë e mbështetjes gjithëpërfshirëse globale për t’u arritur paqe afatgjate dhe e qëndrueshme. Përgjatë qëndrimit në Zvicër, Presidentja Osmani do të zhvillojë edhe takime bilaterale me liderë të tjerë botëror”, thuhet në njoftim.
