Çmimet e larta të karburanteve po rëndojnë mbi buxhetet familjare dhe po ndryshojnë zakonet e përdorimit të automjeteve. ...
POLITIKE
Nis votimi për zgjedhjen e kryetarit të degës së Partisë Demokratike në Elbasan
PiranjatPërditësimi i fundit 29 Mars 2026, 10:33
Prej orës 08:00 ka nisur votimi për zgjedhjen e kryetarit të degës së Partisë Demokratike në Elbasan.
Proçesi i votimit po zhvillohet në selinë e PD në Elbasan ku anëtarët e Partisë Demokratike do të mund të votojnë deri në orën 18:00.
Në garë për drejtimin e degës së PD Elbasan janë :
Durim Çekrezi, aktualisht kryetar i komanduar i degës, mori drejtimin pas tërheqjes së deputetit Blendi Himçi, i cili u konfirmua kandidat për zgjedhjet parlamentare të majit 2025.
Çekrezi është inxhinier në profesion dhe ish-drejtues i Njësisë Administrative Tregan.
Elior Vila, pedagog, i cili në platformën e tij ka theksuar nevojën për një Parti Demokratike më të hapur, me përfshirje të profesionistëve dhe zgjerim të strukturave.
Lumturi Hasa, mjeke dhe ish-kandidate për deputete në zgjedhjet e majit 2025, është e vetmja grua në këtë garë. Ajo vjen nga radhët e PDIU-së dhe është e angazhuar prej kohësh në struktura, duke synuar një PD më të fortë dhe me më shumë përfshirje të të rinjve dhe grave.
Sokol Shkëlzeni, sekretar politik i PD Elbasan prej vitesh, me një angazhim të gjatë në të djathtën shqiptare, kërkon të hedhë hapin e radhës drejt drejtimit të degës.
Ndërkohë, Alis Narazani, gjithashtu ish-kandidat për deputet në zgjedhjet parlamentare të vitit 2025, përfaqëson një brez më të ri, duke synuar rikthimin e vlerave dhe rritjen e mbështetjes për Partinë Demokratike.
Ky proces shihet si një moment i rëndësishëm për drejtimin dhe organizimin e mëtejshëm të PD-së në Elbasan.Në orët e para vihet re një pjesëmarrje e lartë e anëtarëve për të votuar.
Pas përfundimit të proçesit të votimit pritet të nisë menjëherë edhe numërimi i votave.
Kryetari i PD-së, Sali Berisha, deklaroi se Partia Demokratike vijon dialogun dhe takimet intensive me qytetarët, duke u pozicionuar si e vetmja for...
