Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
POLITIKE
Nisja e viti të ri universitar, Gjekmarkaj: Qeveria nuk i ndihmon të rinjtë, auditoret bosh mbeten realitet
PiranjatPërditësimi i fundit 6 Tetor 2025, 09:14
Nënkryetari i Partisë Demokratike, Agron Gjekmarkaj, në një postim të publikuar në Facebook për nisjen e vitit të ri akademik, kritikoi qeverinë për dështimin e saj në mbështetjen e arsimit të lartë dhe paralajmëroi pasojat e rënda që ka kjo mungesë strategjie për të rinjtë dhe zhvillimin e vendit.
Ai theksoi se mijëra studentë po mbeten jashtë auditoreve, ndërkohë që politika e qeverisë ka nxitur emigrimin masiv të të rinjve dhe largimin e talentit, duke dëmtuar seriozisht ekonominë dhe perspektivat e Shqipërisë për zhvillim të qëndrueshëm.
Gjekmarkaj bëri thirrje që qeveria të ndërmarrë masa të menjëhershme, duke ofruar financim të drejtë dhe transparent, bursa dhe mbështetje konkrete për studentët në nevojë, si dhe politika që krijojnë lidhje reale me tregun e punës, në mënyrë që të ndalohet ikja e talentit dhe auditoret të mos mbeten bosh, duke garantuar një arsim që i shërben të rinjve dhe gjithë vendit.
Postimi i plotë:
"Gëzuar fillimin e vitit të ri akademik!
Urime studentëve dhe pedagogëve, më shumë dije, më shumë përgjegjësi, më shumë shpresë.
Por nuk mund të heshtim për realitetin: mijëra studentë më pak në auditore.
Qeveria dhe ministria e Arsimit kanë dështuar në mbështetjen e arsimit të lartë, me politikat zhvilluese, diferencime të theksuara në financime duke ndikuar në ikjet masive të shqiptarëve, për pasojë dhe të të rinjve.
Emigrimi i trurit ka pasoja të rënda për ekonominë dhe zhvillimin e mëtejshëm të Shqipërisë.
I bëj thirrje qeverisë, veproni tani!
Financim të drejtë dhe të transparent, bursa dhe mbështetje për të pamundurit, lidhje reale me tregun e punës dhe politika për të ndalur ikjen e talentit.
Pa mbështetje konkrete, auditoret bosh do të mbeten realitet. PD ka qenë dhe është e gatshme përballë çdo sfide që të kontribuojë për një arsim që i mban dhe i shërben të rinjve tanë, i shërben Shqipërisë".
