Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Një përfaqësues i mazhorancës e çon vendin në mosbindje civile!" Bardhi për mandatin e Xhaçkës: Kanë konsumuar vepër penale
M.B.Përditësimi i fundit 24 Korrik 2024, 14:42
Gazment Bardhi
TIRANA- Kryetari i Grupit Parlamentar të Partisë Demokratike, Gazment Bardhi ka reaguar pas deklaratave të kreut të Grupit Parlamentar të PS, Bledi Çuçit në lidhje me mandatin e Olta Xhaçkës. Bardhit tha për mediat se mazhoranca nuk po zbaton vendimin e Gjykatës Kushtetuese dhe kjo sipas tij përben vepër penale. Sipas Bardhit kjo vepër penale është konsumuar nga përfaqësuesit më të lartë i mazhorancës dhe unë pres që të ndiqet i njëjti standard. Ai i bëri thirrje SPAK që të veprojë, ndërsa tha se deklaratat e Çuçit e çojnë vendin drejt mosbindjes civile.
"Nëse mazhoranca ka vendosur të injorojë kushtetutën, vendimet e GJK praktikisht ne jemi në diktaturë. Kanë rënë parimet bazë të funksionimit të shtetit ligjor dhe kjo deklarate e bërë nga një përfaqësues i mazhorancës e çon vendin në kushtet e mosbindjes civile. Nëse secili prej nesh e le në vlerësimin e tij nëse do të duhet apo jo të zbatojë një vendim gjykata këtu ka rënë sistemi
Dua të sjell në vëmendjen tuaj që sot kryetari i PD mbahet në arrest për shkak se pretendohet se nuk ka zbatuar një vendim gjykata. Ndërkohë Rama për ti ardhur në mbrojtje shkeljes së ligjit nga një shoqe ose shok sic tha Çuçi jo vetëm nuk pasoja të ngjashme, por me arrogancë ja thonë publikut me arrogancë. Thirrja ime shkon për SPAK që moszbatimi i vendimit të GJK është vepër penale. Kjo vepër penale është konsumuar nga përfaqësuesit më të lartë i mazhorancës dhe unë pres që të ndiqet i njëjti standard", tha Bardhi.
