Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Nuk ekziston asnjë lloj reforme zgjedhore", Meta: Kur të garoj për deputet në kryeqytet, do ta thyej disa herë herësin!
n.fPërditësimi i fundit 29 Korrik 2024, 14:51
Meta
TIRANË- Presidenti i Partisë së Lirisë, Ilir Meta ka mbajtur ditën e sotme një deklaratë para mediave ku ka folur në lidhje me ndryshimet në kodin zgjedhor. Meta u pyet nësë dyshon në ndryshimet në kodin zgjedhor si dhe konsensusit të mundshëm midis Kryeministrit Rama, dhe Berishës. Ai u përgjigj duke thënë se Berisha e ka bërë shumë të qartë pozicionin e tij, dhe shtoi se ky është edhe pozicioni i tij. Sipas tij nuk ekziston asnjë lloj reforme zgjedhore dhe asnjë adresim i rekomandimeve serioze të OSBE-ODHIR për zgjedhjet e fundit.
Pyetje:A dyshoni se ndryshimet në kodin zgjedhor kanë ardhur, si shkak I një konsensusi të mundshëm midis Kryeministrit Rama, dhe zotit Berisha?
Meta: Besoj se zoti Berisha e ka bërë shumë të qartë pozicionin e tij, dhe ky është dhe pozicioni im. Nuk ekziston asnjë lloj reforme zgjedhore. Nuk ekziston, asnjë adresim i rekomandimeve serioze të OSBE-ODHIR. për zgjedhjet e fundit, përkundrazi.
Ai më tej u pyet në lidhje me kandidimin e tij në zgjedhjet e ardhshme nëse do të marr pjesë vetëm api në listë me Berishë. Meta u shpreh se kush e vendos në diskutim se ai do të jetë kandidat për deputet në kryeqytet, bën gabim të madh. Ai shtoi se ka një kërkesë për bashkinë e Krujës ku u shpreh se të thuash për qeverinë është humbje kohe, që të përpiqet ta mirëmbajë atë rrugën për në Qaf-Shtamë.
Pyetje: A do të kandidoni i vetëm në zgjedhjet e ardhshme, apo në listë me Berishën, sepse keni deklaruar më herët se do të jeni kandidat për deputet në kryeqytet?
Meta:Kush e vendos në diskutim se unë do të jem kandidat për deputet në kryeqytet, bën gabim të madh, dhe besoj se do ta thyej disa herë hersin. Dhe së fundmi kam një kërkesë për bashkinë e Krujës, se të thuash për qeverinë është humbje kohe, që të përpiqet ta mirëmbajë atë rrugën për në Qaf-Shtamë. Sepse, nuk kërkon shumë investime, dhe në disa segmente, por kërkon pak mirëmbajtje, dhe pak kujdes. Edhe, Qafë-Shtama është një nga pasuritë më përrallore që ka jo vetëm bashkia e Krujës, por që ka e gjithë Shqipëria.
