Vetëm me votat e saj, mazhoranca miratoi programin dhe kalendarin e punimeve të sesionit të ri parlamentar, ndërsa opozita votoi kundër...
POLITIKE
“Nuk është gjë Epstein çfarë është Ergys Agasi në Shqipëri”/ Berisha: Rama të japë dorëheqjen! I përulej si langaraq Mirlindës së krimit
PiranjatPërditësimi i fundit 18 Shkurt 2026, 15:09
Kryetari i Partisë Demokratike, Sali Berisha komentoi deklaratat e një dite më parë të kryeministrit Rama, i cili i doli në mbrojtje Mirlinda Karçanajt, ish drejtoreshës së AKSHI-t.
Në mbledhjen e grupit parlamentar, Berisha u shpreh se Rama ka humbur çdo moral, ndërsa deklaroi se “i përulej Mirlindës së krimit”.
Berisha deklaroi se Rama po sillet në mënyrën më antishqiptare dhe po shkelmon interesat e çdo qytetari shqiptar.
“Po shkelmon të ardhmen e shqiptarëve, po detyron partnerët tanë që të mbyllin çdo ndihmë ndaj Shqipërisë, sepse si ky nuk ka asnjë kryeministër në vendet që pretendojnë për të ecur drejt BE që të mund të marrë masa të tilla
Ky ka humbur çdo moral. Ai i përulej si lëngaraq Mirlindës së krimit, se ka hall se mos bëhet pentito. Si mund të admirosh një njeri që në sipërmarrjen e të cilës janë marrë pengje. Ka funksionuar si një organizatë kriminale e drejtuar nga Ergys Agasi”, tha Berisha.
Më tej ai deklaroi se “nuk është gjë Epstein ca është Ergys Agasi për Shqipërinë. Ergys Agasi është gropa e zezë më e madhe që mund të imagjinohet, sepse kontrollohet çdo qytetar shqiptar”.
Berisha i kërkoi kryeministrit Rama që të japë dorëheqjen: “Në vend që të japë dorëheqjen ai bën gjithçka. Edhe plumbat mbi demonstruesit janë me urdhër të tij. Unë i them Edi Ramës jep dorëheqjen se nuk ka forcë në botë që na ndalon pa të larguar ty. Je një armik i urryer i shqiptarëve me këto që po bën”.
