Presidenti i Federatës Palestineze të Futbollit, Jibril Rajoub, ka deklaruar se nuk ka marrë vizë për të hyrë në Shtet...
POLITIKE
Meta: Paraburgimi im, jo si mjet hetimi, por persekutimi politik. Këlyshët e Sorosit nuk më thyejnë dot
PiranjatPërditësimi i fundit 18 Shkurt 2026, 12:15
Në pjesën e dytë të intervistës së kreut të PL-së, Ilir Meta për portalin Syri.net, ish-presidenti theksoi se paraburgimi i tij vazhdon jo si mjet hetimi, por si persekutim politik.
‘Paraburgimi im, jo si mjet hetimi, por persekutimi politik. Këlyshët e Sorosit nuk më thyejnë dot’, u shpreh Meta për Syri.net.
Pjesa e dytë e intervistës së kreut të PL, Ilir Meta për Syri.net:
Pyetje: Si po ecën procesi ndaj jush?
Meta: Të enjten ne bëjmë parashtrimet tona për "tablonë sinoptike" të lexuar nga prokurorët, ku nuk ekziston asnjë fakt apo provë penale kundër meje.
Qartësisht është një pamflet politik i bazuar në një ekspertizë të paligjshme financiare, të bërë nga një punonjës i SPAK-ut, që është në konflikt të pastër interesi, përveçse nuk ka llogaritur të gjitha të ardhurat e mia për më shumë se 10 vite (nga Marsi ‘92 si deputet, e më pas si Ministër, zv. Kryeministër dhe Kryeministër).
Është pamflet politik se merret me DIA-n që është gjykuar plotësisht në Shqipëri e ku asgjëkund nuk ekziston emri im.
Por që është gjykuar edhe në Arbitrazhin e Vjenës dhe ku kompania Clifford Chance ka dy reagime të qarta zyrtare ku përjashton emrin tim nga çdo spekullim që ishte bërë nga mediat sorosiste.
Tashmë është provuar se DIA ishte një krijesë amerikane dhe si e tillë u përzgjodh nga CEZ-i.
Kjo provohet nga të gjitha dokumentat e Arbitrazhit të Vjenës gjithashtu.
Kjo është arsyeja se përse McGonigali, kur mori porosi nga Rama që të provonte "lidhjet" e mia me DIA, hoqi dorë menjëherë nga kjo çështje.
Po kështu, në proçes do të provohet se letërporositë për lobimet në mënyrë të qëllimshme kanë synuar të fshehin të vërtetat sipas kontratave të LSI me GSIS për të mbajtur me pahir akuza që nuk mbështeten në asnjë fakt.
E njëjta lojë si me akuzën 1 milion dollarë me McKeon Group, që u katandis në 15 mijë dollarë të deklaruara që në fillim, si në Shqipëri dhe SHBA.
Siç e dini, në SHBA nuk ka as Bilal dhe as McGonigal që bën burg për Ilir Metën dhe as mund të ketë gjykatë amerikane që mund të vërtetojë një shkelje sado të vogël të ligjeve amerikane nga Ilir Meta.
Por të enjten, pas parashtrimeve që unë do të bej në seancë, fjala ime do t’u shpërndahet të gjitha mediave.
Pyetje: Ndërkohë avokatët tuaj dhe PL ankohen për izolimin tuaj ekstrem dhe shkeljen e të drejtave tuaja njerëzore dhe politike. Si e shpjegon?
Meta: Fakti që mbas 16 muajsh që nga rrëmbimi im i 21 Tetorit 2024, nuk i dimë ende zyrtarisht nga prokuroria, personat përgjegjës për këtë rrëmbim kriminal që e ka parë gjithë bota, flet më shumë se çdo gjë.
Fakti se që nga 2 Korriku 2025 kur unë u dënova me izolim ekstrem, këtu në IEVP “Jordan Misja” nuk më është dorëzuar ende vendimi i zbardhur nga Drejtoria, as mua dhe as avokatëve, flet qartë se paraburgimi nuk ishte zgjedhur si mjet hetimi, por si mjet persekutimi nga organizata kriminale.
Por këlyshët e Sorosit kanë zgjedhur njeriun e gabuar për ta thyer apo për ta shtyrë në gabime të panevojshme.
Për fat të mirë kjo IEVP mban emrin e Jordan Misjes, njërit prej tre heronjve të Shkodrës.
Në veçanti më kujtohen fjalët e Branko Kadisë:
“Çka po thotë Kadia, flakë le të kallet shtëpia, ta marrë vesh Shqipnia se na i dalim zot”.
Shumë shpejt do të nisë në themel gjyqi ndaj bandës sorosiste, që kujton se duke mbajtur peng Ilir Metën, do mbajë peng përjetësisht të ardhmen e Shqipërisë si një vend sovran dhe i lirë.
