Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Nuk mund të hetohet me metoda të Sigurimit të Shtetit!" Arrestimi i Veliajt dhe krimet zgjedhore/ Rama: Uroj të jetë një lajthitje dhe të ndalet survejimi në territor
M.B.Përditësimi i fundit 20 Shkurt 2025, 09:57
TIRANA- Kryeministri Edi Rama ka zhvilluar sërish sot një bashkëbisedim me komentuesit në rrjetet sociale ku tha se drejtësia po heton me metoda të Sigurimit të Shtetit. Duke nënkuptuar arrestimin e kryebashkiakut të Tiranës Erion Veliajt, por njëherësh duke folur për zgjedhjet e 11 majit, Rama tha se uron që jetë një lajthitje e momentit dhe të ndalet survejimi në territor. Ai shtoi se drejtësia duhet mbështetur fuqimisht, që të bëjë punën e vet profesionale.
"Ka gjëra negative, por edhe gjëra pozitive. Kur shkatërrohet jeta e një njeriu për budallallëk profesional është e tepruar. Nuk mund të hetohet me metoda të Sigurimit të Shtetit, synojmë të kemi drejtësi të pavarur dhe të standardeve europiane. Unë uroj të jetë një lajthitje e momentit dhe të ndalet survejimi në territor.
Nuk mund të kthehemi në kohë të errëta, sa kush merret me politikë të survejohet. Drejtësia duhet mbështetur fuqimisht, që të bëjë punën e vet. Secili është në punën e vet, ne kemi punën tonë dhe nuk duhet të ndërhyjmë tek njëri-tjetri. Por, duhet të luftojmë të gjithë për drejtësi profesionale", tha Rama.
