Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
Nuk ndalet asfalti elektoral në Durrës/ Kandidati i PS-së, Indrit Gjoka promovon "premtim e mbajtur", ndan pamje nga rruga e saposhtuar (FOTO)
n.fPërditësimi i fundit 13 Prill 2025, 22:24
DURRËS- Çelja e fushatës elektorale e 11 majit mesa duket ka mobilizuar bashkitë dhe kandidatët për të mbajtur premtimet e dhëna. Kjo faktohet dhe thuhet vetë nga kandidatët të cilët promovojnë punën e kryer në periudhë fushatë teksa kanë nisur shtrimin e rrugëve.
Kandidati për qeputet i Partisë Socialiste në qarkun Durrës, Indrit Gjoka në një postim në Instagramin e tij ka publikuar një foto nga një rrugë e sapo shtuar. Gjoka e ka shoqëruar foton me shkrimin "premtimi i dhënë, premtimi i mbajtur".
Nuk dihet se kur është dhënë ky premtim, në fillim të mandati të kaluar dhe e kanë vënë në zbatim tashmë që janë në fushatë dhe u nevojitet vota e qytetarëve apo tani që "litari" është shtrënguar dhe duhet të grumbullojnë votat për të arritur shifrat e vendosura objektiv.
"Premtim i dhënë premtim I mbajtur! Nje zonë e cila më ka mbështetur dhe ka besuar gjithmonë tek unë dhe tek Partia Socialiste e Shqipërisë . Ndihem shumë i lumtur që filluan punimet per asfaltimin e 3 rrugëve në zonën e Shkozetit dhe Durrësit të Ri. Së bashku drejt fitores së 11 majit," shkruan Gjoka.
Kjo është një shkelje e ligjit pasi është aslfat elektoral i përfunduar gjatë fushatës së zgjedhjeve. Rast i cili duhet të shqyrtohet nga SPAK. Ky nuk është rasti i parë në Durrës pasi në fillim të muajit prill, Partia Demokratike përmes një video ka denoncuar shtrimin e rrugëve në qytetin e Durrësit një muaj para zgjedhjeve të 11 majit. PD bëri me dije se ka kallëzuar në SPAK kryebashkiaken e Durrësit Emirjana Sako ndërsa theksuan se me udhër të saj po hidhet asfalt elektoral në kundërshtim me ligjin në zonën mes Durrësit të ri dhe Shkozetit.
