Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
“Nuk përfaqësoj opozitën, por qytetarët”, Binaj: Berisha s'do të dalë me mua në fushatë!
PiranjatPërditësimi i fundit 10 Tetor 2025, 08:58
Kandidati i pavarur për zgjedhjet e pjesshme për Bashkinë e Tiranës, aktori dhe moderatori i mirënjohur, Florjan Binaj deklaroi se nuk përfaqëson opozitën në zgjedhje, por qytetarët,
Duke folur nga emisioni “Top Story”, Binaj e mohoi se kishte folur ndonjëherë me Sali Berishën, madje më tej ai shtoi se dhe në fushatë nuk do të dalë me asnjë kryetar të partive opozitare.
Florjan Binaj zbuloi për të gjithë qytetarët se edhe në fletën e votimit do të jetë si kandidat i pavarur dhe jo si koalicion.
“Nuk kam hyrë në këtë garë për të përfaqësuar opozitën, por qytetarët e Tiranës, ata nuk i ndaj dot në të majtë apo në të djathtë në kuq apo në blu, sepse ajrin, trafikun e kemi të gjithë të përbashkët.
Unë po dal si i pavarur. Unë i kam hyrë kësaj gare pa e ditur se kush do të më mbështeste, nuk kam folur as me Berishën, as me një, as nuk i kam numër Berishës.
I pari që më mori ishte Adriatik Lapaj dhe tha seriozisht e ke, dhe më tha që do të mbështesim, po sikur të jemi vetëm ne tha. Në rregull i thash, vetëm me ju.
Të nesërmen doli Sali Berisha, të cilin prap duhet ta falenderoj, se për mua ndryshoi baticën. As tani nuk kam folur me Berishën dhe është hera e parë që e falenderoj.
Jo nuk do dal me Berishën në fushatë, me asnjë kryetar, të asnjë partie opozitare nuk do të shoqërohem në fushatë.
U kam kërkuar grupet e punës për të punuar për fushatë. Dhe tek fleta e votimit, do mbledhim firmat që edhe aty do jem si kandidat i pavarur.
Ky është një test, se edhe mbështetja e partive do jetë një test, e thanë me fjalë, duhet ta shohim me vepra.
Ne po punojmë me një grup profesionistësh të pavarur për të hartuar një plan dhe një projekt se është bërë një zullum shumë i madh.”- u shpreh Florjan Binaj.
