Dy të rinj humbën jetën tragjikisht dje pasi u mbytën në det te ‘Rana e Hedhun’ si pasojë e dallgëve ...
POLITIKE
Salianji: Edi Rama ka kolapsuar sistemin, u tremb nga bashkimi i opozitës në mbështetje të një kandidati
PiranjatPërditësimi i fundit 9 Tetor 2025, 21:58
Në studion e emisionit “Çim Peka Live” në Syri TV, po diskutohet vendimi i sotëm i Gjykatës Kushtetuese, e cila pezulloi dekretin e Presidentit Bajram Begaj për mbajtjen e zgjedhjeve të pjesshme më 9 nëntor në Bashkinë e Tiranës.
Ish-deputeti demokrat Ervin Salianji, akuzoi kryeministrin Edi Rama për kontroll total mbi institucionet dhe për krijimin e një “rrumpallhane institucionale”.
Salianji: Është një rrumpallhanë që për shkak të kontrollit të të gjithë institucioneve nga Edi Rama, këtu bëjmë sikur diskutojmë se çfarë ka ndodhur. Ka ndodhur kjo, Edi Rama është trembur nga entuziazmi që ka ngjallur bashkimi i opozitës dhe një kandidat i cili ka qenë jashtë pritshmërive të Edi Ramës për t’u përballur. Më shpjegoni pak ku e dinte Edi Rama, që dje ka thënë, pavarësisht vendimit, ju vazhdoni punën, se zgjedhje do ketë.
Kjo amulli dhe ky kolaps është shkaktuar për shkak të Edi Ramës dhe duhet ta themi kështu siç është, sepse Edi Rama ka dalë në Asamblenë e Partisë dhe ka thënë që kandidatja do të jetë kjo. Kandidati ka dalë pa u shkarkuar Erion Veliaj.
Partia Socialiste dhe Edi Rama kanë kolapsuar sistemin. Edi Rama shpalli kandidate pa u shkarkuar Veliaj, e shkarkoi në Asamble pa u shkarkuar në mënyrë institucionale, pasi e shkarkoi në Këshill Bashkiak, e shkarkoi me vendim të Këshillit të Ministrave, pasi e shkarkoi me vendim të Këshillit të Ministrave vetë Edi Rama, nëpërmjet Sekretariatit të Përgjithshëm, po vetë me autoritetin që ka kryeministri shpalli vakancën për bashkinë. Dhe ka vendosur edhe presidentin që këtu kontrollon të gjitha institucionet ai, përpara kushteve, ku për shkak të shpalljes së vakancës, duhet të caktojë datë zgjedhjesh.
Padyshim që po të ishte një president sikurse ishte Meta, do t’i kishte qëndruar. Ne po themi që njeriu që ka krijuar këtë amulli është një njeri i vetëm, Edi Rama.
