Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Olldashi nuk është takuar me tim vëlla!" Xhafaj: Përgjimet e “Babales” ia dha Ervin Salianji gazetarit, jo e kundërta
M.B.Përditësimi i fundit 9 Tetor 2024, 22:42
TIRANA- Deputeti i Partisë Socialiste, Famtir Xhafaj ka deklaruar sot se nuk ka qenë gazetari Jetmir Olldashi që i dha përgjimin e pretenduar ndaj vëllait të tij Ervin Salinjit, por ky i fundit ia ka dhënë gazetarit. I ftuar në emisionin “Opinion”, Xhafaj tha se ka qindra orë përgjime për këtë çështje. Ai shtoi se gazetari Olldashi nuk është takuar me vëllain e tij, Geron Xhafaj.
“'Babalja' sipas këtyre është vetëofruar sipas meje është ofruar nga te tretë të PD. I është besuar kjo gjë Ervin Salinjit. Nuk është Jetmri Olldashi që ia ka dhënë Salinjit “babalen”, por ka qenë Salianji që ia ka dhënë Olldashit.Olldashi ka punuar gazetar të emisioni i kolegut tuaj Ylli Rakipi. Rrugës për në Vlorë ai ka bërë një intervistë në makinë me dikë që quhet “Babale”.
Ka pretenduar sikur ai i ka dhënë atij një stilolaps dhe ka hyrë pesë minuta në lokalin ku ishte vëllai im dhe ka dalë sikur e ka përgjuar. Ka qindra orë përgjime për këtë çështje. Kanë qenë në përgjim këta pasi shpërtheu kjo çështje. Ka shkuar në Tiranë, ka shkuar te Ylli Rakipi dhe e ka refuzuar se ka thënë se nuk ka fakte e nuk ka prova. E ka deklaruar edhe në Prokurori edhe në Gjykatë. Por këtë që nuk e pranonte Ylli Rakipi e pranonte Kinostudioja e SHQUP. Olldashi nuk është takuar me tim vëlla",tha Xhafaj.
