Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Operacioni i SPAK/ Meta: Metamorfoza është një tablo e qartë e përfshirjes së shtetit dhe Rilindjes në veprimtaritë kriminale
n.fPërditësimi i fundit 19 Maj 2024, 13:50
Meta
TIRANË- Presidenti i Partisë së Lirisë, Ilir Meta ka mbajtur ditën e sotme një konferencë për mediat. Meta gjatë fjalës së tij ka komentuar disa çëshjte që nga martesa brenda një gjinie e deri te operacioni i djeshëm i SPAK. Gjatë fjalës së tij Meta u shpreh se martesa brenda një gjinie është e paligjshme dhe se bëhet nga Prindi 1 qeveria e Ramës, dhe Prindi 2 bashkia e Tiranës.
"Kemi të bëjmë me një politikë të faktin të kryer. Që, bëhet në mënyrë të koordinuar nga Prindi 1 qeveria e Ramës, dhe Prindi 2 bashkia e Tiranës. Është një akt i paligjshëm. Dhe njëkohësisht kërkon të shndërrojë në normalitet, një devijim për ta shndërruar atë në normë, për të gjithë shoqërinë.
Dhe, padyshim është një politikë shkatërruese për familjen shqiptare. Aq, më tepër që zhvillohet në prag të diskutimit, të një ligji tepër tinzar, ndaj të cilit janë ngritur kundër, dhe të gjitha komunitet fetare. Por, dhe gjithë opinioni i shëndoshë, siç është ai i surrogacisë. Që është një krim I madh, dhe që synon shkatërrimin biologjik të vendit tonë," tha Meta.
Meta komentoi edhe shpopullimin e Shqipërisë të cilin e cilësoi si të programuar që të kthehet vendi në tokën e askujt ose të gjithkujt përveç shqiptarëvë.
"Padyshim shpopullimi I Shqipërisë ka qenë i programuar, në mënyrë që të realizohet ai projekt, që e kthen Shqipërinë në tokë të askujt, apo të gjithkujt, por jo të shqiptarëve. Të atyre që janë shqiptarë, që ndihen shqiptarë për shkak të origjinës së tyre, dhe që duan të jenë shqiptarë edhe në ardhmen.
Dhe, ndërkohë që promovohet si normalitet largimi i të rinjve nga vendi, madje si një domosdoshmëri, që të fitojnë eksperienca të reja. Vijnë ligje të tilla, që kërkojnë ta kthejnë Shqipërinë, në një fermë laboratorike, për surrogacinë, në interes të internacionales së gjithë surrogatëve të botës," shtoi Meta.
Sa i përket vizitës së sekretarit të jashtëm britanik, David Cameron në Shqipëri Meta u shpreh se shumë sekretare kanë ardhur dhe kanë ikur por sipas tij problemi i krimit dhe korrupsionit vetëm është agravuar në Shqipëri sidomos në raportin midis Shqipërisë dhe Britanisë së Madhe.
"Sekretari është I mirë se ardhur. Shumë sekretarë kanë ardhur dhe kanë ikur. Problemi i krimit dhe korrupsionit vetëm është agravuar në Shqipëri për fat të keq, e sidomos në raportin midis Shqipërisë dhe Britanisë së Madhe.
Problem i krimit të organizuar është një problem madhor, për arsye se krim ka një mbështetje llogjistike të sigurt, që është shteti i Edi Ramës. Në Britaninë e Madhe, por dhe kudo tjetër në Europë, po kështu dhe në Amerikën Latine. Besoj ju e dini, në 11 vite Edi Rama, asnjëherë nuk ka raportuar siç e kërkon ligji në Kuvendin e Shqipërisë, lidhur me rezultatet e qeverisë, në luftën kundër drogës, sipas detyrimeve ligjore që kjo qeveri ka," përfundoi ai.
Sa i përket operacionit të ditës së djeshme të SPAK, Meta u shpreh se Metamorfoza, është e gjitha një tablo e qartë e përfshirjes së të gjithë shtetit dhe gjithë Rilindjes, në veprimtari kriminale.
"Absolutisht të gjitha faktet që janë bërë publike sot, janë ditur edhe përpara një viti, janë ditur dhe përpara 9 muajsh. Është një operacion më shumë I karakterit propaganistik, përderisa dhe rezultatet e ndalimit të protagonistëve kryesorë, dihet që pothuajse zero. Është gjithçka që kryehet nën diktatin e Edi Ramës. Sepse, duhet të ishte vepruar me kohë, me efikasitet, por kjo gjë nuk ndodhi.
Duhet të ishte vepruar përpara zgjedhjeve të 14 Majit, sepse ‘Metamorfoza’ aty ka qenë prej kohësh. Por duhej që ato grupe, të përdoreshin dhe njëherë nga Edi Rama, për të grabitur bashkinë e Shkodrës, dhe shumë bashki të tjera në Shqipëri. E më pas, për të prodhuar statistika nga halli, dhe nga sikleti, sepse t ato dosje dihet, që janë vendosur në dizpozicion nga partnerët europian" tha Meta.
