Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
OSBE-ODIHR nis sot zyrtarisht misionin e monitorimit të zgjedhjeve te 11 majit! Zannier: Vrojtojmë edhe fushatën në rrjetet sociale, 300 vëzhgues afatshkurtër, 26 afatgjatë
M.B.Përditësimi i fundit 2 Prill 2025, 11:25
TIRANA- Misioni vëzhgues i OSBE/ODIHR ka nisur zyrtarisht punën për monitorimin e zgjedhjeve të 11 majit në Shqipëri. Misioni do të monitorojë të gjitha aspektet e procesit zgjedhor, përfshirë kuadrin ligjor, administrimin e fushatës, mbulimin mediatik dhe transparencën në rrjetet sociale.
Drejtuesi i misionit, Lamberto Zannier, njoftoi se gjatë procesit do të vlerësohet përputhshmëria e zgjedhjeve me angazhimet ndërkombëtare dhe legjislacionin vendas. Ndërkohë për ditën e zgjedhjeve, pritet të mbërrijnë 300 vëzhgues afatshkurtër, ndërsa do të ketë përfaqësues nga Asambleja Parlamentare e OSBE, Këshilli i Europës dhe Parlamenti Europian.
“Sot hapim zyrtarisht misionin e vëzhgimit në zgjedhjeve. Misioni vjen pas ftesës ë autoriteteve vendase dhe do të përbehet nga një ekip ekspertësh prej 12 vitesh. Do të jetë 26 vëzhgues afatgjatë dhe do kërkohet 300 vëzhgues afatshkurtër afër ditës së zgjedhjeve. Ashtu sikurse ka qenë misioni i OSBE edhe ndër vite, objektivi i misionit të vëzhgimet të zgjedhjeve është të vlerësojë mënyrën sesi do kryen këto zgjedhje, nëse do të jetën në përputhje me angazhimet që ka marrë Shqipëria lidhur me OSBE si dhe me detyrimet dhe standarde të tjera ndërkombëtare që rregullojnë zgjedhje demokratike. Sigurisht është nëse janë në përputhje me legjislacionin vendas.
Për arritjen e këtij objektivi, do të përfshihen zhvillime para dhe pas zgjedhjeve. Disa fusha me interes për misionin përfshijnë; zbatimin e kuadrit ligjor, zhvillimi i fushatës, përfshirë atë në rrjete sociale; Puna e administratës zgjedhore në të gjitha zgjedhjet; zgjidhja e mosmarrëveshjeve lidhur me zgjedhjet, dhe mbulimi mediatik. Vëzhguesit do të vlerësojnë gjithashtu rekomandimet e mëparshme. Pjesë e këtij procesi do të jenë edhe takime. Dje pata disa takime me ministrinë e jashtme, komisionerin e zgjedhje etj, që ishin konstruktive”, tha Zannier.
