Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Padia e Erion Veliajt pas denoncimit tek "PIRANJAT", Bledian Koka: Aksion parapolitik, sot gazetari akuzohet se merr një intervistë
PiranjatPërditësimi i fundit 20 Prill 2023, 13:17
TIRANË- Gazetari Bledian Koka ka shkuar sot në Gjykatën e Tiranës, pasi u padit nga kryebashkiaku Erion Veliaj për disa denoncime që ai ka bërë në emisionin "Piranjat". Pas dështimit të seancës së parë, e cila konsiderohet si seancë pajtimit, Blendian Koka doli jashtë ambientevë të Gjykatës për të mbajtur një prononcim për mediat. Në fjalën e tij, ai u shpreh se paditësi i tij nuk kishte shkuar në Gjykatë, megjithatë pyetjet ia bëri edhe njëherë publikisht, duke i kërkuar përgjigje. Por shtoi edhe përgjigje lidhur nëse Veliaj kishte miqësi apo jo me shtetasin Miliad Lopa, e nëse kishte udhëtuar ndonjëherë me të.
"Sot një gazetar akuzohet se ka marrë një intervistë. Është aksion parapolitik. Të flasësh në Shqipëri sot është krim. Ai përdor të gjithë pushtetin e tij për të bërë presion tek gazetarët. Ajo që ka ndodhur sot, është gati në kufijtë e surreales. Kjo është medalje nderi në gjoksin tim, nder më të madh nuk mund të ketë. Minimalisht kjo është një lajm i mirë. Fakti që kemi bërë diçka që ngacmon nervin është një gjë e mirë. Kjo i bën nder Tiranës dhe gjithë Shqipërisë. Për mua kjo është ditë e mirë. Pres seancën e radhës që na e lanë me 5 maj. Sot i bëj të njëjtat pyetje: A e njihni shtetin italian? A keni kërkuar që të blini një incenerator në Bashkinë e Kostancës në Rumani?A e njeh shtetasin Milliad Lopa? A ka udhëtuar me të? Këto janë pyetje shtesë dhe normalisht do të duhet që të kisha përgjigje si gazetar,"-tha Bledian Koka.
PYETJET E BËRA PËR VELIAJN:
A njiheni personalisht me shtetasin italian Gabriel Tarroni Longghinotti?
Nëse po, a jeni takuar ndonjëherë te restorant Tribe ashtu siç deklaron ai në intervistë?
A keni vizituar ndonjëherë zyrat e Bruno Presezzi SPA ashtu si ai pretendon në intervistë?
Nëse po, a keni diskutuar për inceneratorin e Tiranës?
Nëse po, a keni dijeni nëse ky incenerator është blerë në Kostancë të Rumanisë?
E gjithë historia fillon kështu; rumunët kërkojnë të heqin qafe një incenerator që nuk është aspak rentabël. Për këtë madje janë gati të paguajnë shifrën prej 75 mijë eurosh. Dhe kërkesës së tyre i përgjigjet kompania italiane Bruno Presezzi, me titullar Antonio Presezzi, ortakun e Gabrielës. Ky incenerator u çmontua, dhe u transportua me kamiona në Borato di Morgora, u bë si i ri, dhe pati një tentativë për ta shitur në Zimbabve. Por atje nuk e pranuan pasi atje e kuptuan se diçka nuk ishte "ok".
