Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
“Parlamentarizmi po asgjësohet”, Blushi: Duan t’i heqin të drejtën e fjalës opozitës
PiranjatPërditësimi i fundit 9 Tetor 2025, 12:52
Sekretari i Përgjithshëm i PL-së, Tedi Blushi tha në një dalje të fundit se në Kuvend ka një tentativë që të mos lejohet fjala e opozitës.
Blushi deklaroi për mediet se miratimi i raporteve në Kuvend pa debat sot tregoi se mazhoranca do që të asgjësojë dhe shkatërrojë parlamentarizmin.
“Parlamentarizmi po asgjësohet çdo ditë, dhe është shndërruar në një vend ku vetëm për qytetarët nuk flitet. Sa herë përmendet dosja Aruba apo dështimi i reformës në drejtësi që në fakt ka sjellë një pasojë tragjike, që është dështimi i kësaj reforme që çoi në vrasjen e gjyqtarit, për sa kohe kemi një drejtësi që vetëm drejtësi nuk jep, por përkundrazi ka certifikuar pandëshkueshme rinë, paligjshmërinë dhe sigurisht prodhon jo vetëm urrejtjet dhe vetëgjyqësi, por fatkeqësisht kemi një drejtësi që prodhon edhe viktima.
Këto çështje duhet të ishin kryefjala e debatit parlamentar. Për fat të keq edhe kjo seancë vërtetoi se kjo shumicë e dalë nga vullneti i krimit është e vendosur për të asgjësuar dhe për të shkatërruar parlamentarizmin”-deklaroi Tedi Blushi.
Ka një përpjekje që opozita të mos ketë të drejtën e fjalës në Kuvend. Sa herë hapet një debat për çështje që shqetësojnë përditshmërinë e qytetarëve shqiptarë debate mbyllet.”, tha ai.
