Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
“Partitë kanë një peshë shumë të madhe!" Zgjedhjet e 11 majit 2025/ Celibashi: Përjashtimi i subjekteve politike nga administrimi, do të ishte gabim i madh
M.B.Përditësimi i fundit 10 Dhjetor 2024, 10:59
TIRANA- Sot është zhvilluar në Tiranë Konferenca për përgatitjen e zgjedhjeve të 11 majit. Në këtë takim ka marrë pjesë dhe Kryetari i Komisioni Qendror të Zgjedhjeve, Ilirjan Celibashi, i cili tha se do ishte gabim, që partitë politike të përjashtoheshin nga procesi i administrimit të zgjedhjeve. Sipas tij, përjashtimi i tyre do të shkaktonte probleme të tjera, në raport me pranimin e rezultatit të zgjedhjeve.
“Partitë politike kanë një peshë shumë të madhe në administrimin e procesit zgjedhor dhe e vërteta është se eksperienca e të paktën e këtyre 30 viteve të fundit, ka treguar një dispropocion të madh ndërmjet të drejtës që partitë kanë për të qenë palë në nivel të dytë dhe të tretë dhe me përgjegjësinë që ata reflektojnë në këtë proces.
Në gjykimin tim krejt personal, të paktën në situatën politike dhe sociale ku ndodhet Shqipëria, partitë politike të përjashtohen tërësisht nga administrimi, mendoj se do bënim një gabim të madh, nëse partitë do të shmangeshin tërësisht dhe do thërrisnim vetëm nëpunës civilë.
Aktorët politikë nëse nuk jenë prezentë, e vështirë se do pranonin rezultatin e zgjedhjeve. Do duhet jo vetëm partitë, por ka ardhur koha, që partitë të jenë, të kenë kontributin e tyre, por do duhet që në këtë proces do duhet të jenë të angazhuar edhe, persona që nuk vijnë nga zyrat e partive”, tha ai.
