Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
PD: Rama e ktheu Shqipërinë në “zonën e sigurisë” për Alex Soros
PiranjatPërditësimi i fundit 6 Shtator 2025, 11:36
Zëdhënësja e Antikorrupsionit në Partinë Demokratike, Genta Vangjeli, kërkoi hetim të plotë mbi frekuencën e lartë të takimeve mes Kryeministrit Edi Rama dhe miliarderit Alex Soros, që sipas saj mund të ketë kthyer Shqipërinë në një “zonë të sigurtë” për vizitat e tij.
Në një deklaratë për mediet, Vangjeli theksoi se takimet e dokumentuara nga Soros, shpesh gjatë sezonit veror, nuk janë të rastësishme dhe tregojnë një nivel të jashtëzakonshëm konfidencialiteti.
Sipas saj, nga të dhënat e publikuara, Soros ka zhvilluar takime me Ramën vazhdimisht gjatë viteve 2021–2025.
Deklarata e Plotë:
Ndryshe nga çdo figurë tjetër e huaj, Alex Soros ka zgjedhur ta dokumentojë vazhdimisht raportin me Kryeministrin shqiptar, duke publikuar foto dhe momente nga takimet me të.
Pakrahasimisht me çdo personalitet tjetër frekuenca e fotove të publikuara nga takimet me Ramën tregon vetëm një pjesë të kontakteve ndërmjet tyre.
Edhe pse në përqindje shumë më të ulët sesa takimet e tyre reale, frekuenca e fotove të publikuara nga vetë Soros me Ramën është jo vetëm e pazakontë, por tregues i konfidencës ‘vëllazërore’ siç e quan Alex në postimet e tij.
Nga të dhënat e publikuara, vetëm në vitet e fundit rezulton se Alex Soros ka zhvilluar takime të shumta me Kryeministrin Rama, përfshirë:
2021: pushimet, edhe në shoqërinë e KM Rama, gjatë korrikut deri më 2 shtator, si dhe një tjetër takim më 13 nëntor;
2025: takime të dokumentuara më 23 janar, 17 shkurt dhe në qershor.
Aleks Soros denoncimi i PDDoënload
Nga këto publikime, del qartë se Alex Soros disa herë në vit, me kohëzgjatje të pazakontë, takohet me Kryeministrin Rama, shpesh në Shqipëri, ku sipas tij, përfundimi i sezonit veror pranë ‘vëllait të tij’ Edi Rama është kthyer tashmë në traditë.
Partia Demokratike kërkon që të hetohen zyrtarisht këto takime, fluturimet e Alex Soros drejt Shqipërisë, arsyet e vërteta të tyre, si dhe çdo veprim i ndërmarrë nga këto kontakte.
Ka zëra që flasin për mundësimin nga Edi Rama të takimeve konfidenciale të Soros, duke përdorur Shqipërinë si një vend të sigurt e të fshehtë, larg syve të mediave dhe shërbimeve ndërkombëtare të inteligjencës.
Ciladoqoftë e vërteta, ajo duhet zbardhur, sidomos tani në dritën e akuzave të Presidentit Trump kundër Soros dhe kërkesës që të hetohet sipas Aktit RICO në Shtetet e Bashkuara.
PD përsërit thirrjen për FBI që, në kuadër të hetimeve në Amerikë të përfshijë edhe aktivitetin e George e Alex Soros në Shqipëri.
