Një rrugë me kalldrëm, e ndërtuar rreth 7,000 vjet më parë, është zbuluar nën ujërat e Detit Adriatik pran&e...
POLITIKE
PD: Raporti paraprak i OSBE/ODIHR damkos zgjedhjet në Shqipëri! Jepet alarmi për polarizim politik, abuzime dhe censurë
n.fPërditësimi i fundit 29 Prill 2025, 21:29
TIRANË- Drejtuesi i Departamentit të Drejtësisë në PD, Franc Nuri gjatë një deklarate për mediat ka reaguar në lidhje me raportin paraprak të OSBE/ODIHR për zgjedhjet e 11 majit. Nuri gjatë fjalës së tij shorehet se ky raport është dokument alarmat i cili vlerëson kushtet ku do të mbahen zgjedhjet në Shqipëri, duke folur për ‘polarizim ekstrem politik’, i ardhur nga një ‘Reformë zgjedhore e njëanshme dhe pa konsultim publik’.
Ai më tej thekson se raporti prek disa tema të cilat paraqesin problematikat në vend që nga mbyllja e tiktok e deri te mediat e politizuara. Nuri shtoi se në raport theksohet se KQZ ka identifikuar dhjetëra shkelje, por shumë pak masa ndëshkuese janë marrë.
Sipas tij Partia Demokratike i kërkon Parlamentit Europian dhe organizatave të zgjedhjeve dhe lirisë së shprehjes të shtojnë presionin mbi kryeministrin Edi Rama të cilin e quajti një shkelës recidivist dhe manipulues i proceseve zgjedhore.
Një dokument alarmant i organizatës që vëzhgon zgjedhjet në botë, i publikuar sot, i vlerëson si të papërshtatshme kushtet ku do të mbahen zgjedhjet në Shqipëri, duke folur për ‘polarizim ekstrem politik’, i ardhur nga një ‘Reformë zgjedhore e njëanshme dhe pa konsultim publik’.
OSBE thekson se shumica e sugjerimeve për përmirësim të procesit zgjedhor bërë nga kjo organizatë mbeten të pazbatuara. Në këtë logjikë vijojnë problemet e përhershme nën Edi Ramën si ‘keqpërdorimi i aseteve publike për qëllime elektorale dhe presioni ndaj punonjësve të administratës’.
Raporti nuk rri pa përmendur edhe ata me të cilët kryeministri mburret, ‘rrjetet e patronazhistëve’ si formë ndikimi politik. Po ashtu shqetësues paraqitet përdorimi i të dhënave personale në mënyrë të paligjshme, të cilat raporti i quan ‘abuzime’.
Media konsiderohet e politizuar dhe e përqendruar në pak duar. ‘Media është e lidhur me interesa të afërta me qeverinë, duke kompromentuar pluralizmin mediatik’, thotë raporti që nuk lë pa cekur edhe vetëcensurën dhe presionin ndaj gazetarëve përfshirë sulme verbale apo ndjekje penale.
OSBE kritikon edhe ndalimin e Tiik Tok nga kryeministri Rama dhe censurën digjitale duke e konsideruar si sulm ndaj lirisë së shprehjes. Pa e përmendur me emër, por duke nënkuptuar qartësisht kryeministrin, raporti flet për ‘fushatë që karakterizohet nga sulme personale dhe mungesë diskutimi për politika publike’.
OSBE-ODHIR prek edhe një plagë të zgjedhjeve, që është mungesa e ndëshkueshmërisë për shkeljet dhe manipulimet zgjedhore, sic është provuar dhe nga dosjet 339 dhe 184. Raporti thekson se KQZ ka identifikuar dhjetëra shkelje, por shumë pak masa ndëshkuese janë marrë.
Partia Demokratike duke falënderuar misionin vëzhgues të OSBE-ODHIR për punën, i kërkon Parlamentit Europian dhe organizatave të zgjedhjeve dhe lirisë së shprehjes të shtojnë presionin mbi Edi Ramën, një shkelës recidivist dhe manipulues i proceseve zgjedhore.
Prekja e zgjedhjeve, cenimi i vullnetit të qytetarëve do të marrë përgjigje të drejtpërdrejtë, të menjëhershme dhe të merituar. Larg duart nga zgjedhjet! Pa zgjedhje të lira, nuk ka zgjidhje!
