Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
"Pensionet pjesa më e vështirë për çdo shtet", Rama: Që të kemi rritje për to duhet të rrisim kontributet
r.llPërditësimi i fundit 21 Tetor 2024, 12:54
edi rama
TIRANË- Kryeministri Edi Rama është i pranishëm në një takim me pensionistët në Tiranë. Gjatë fjalës së tij, Rama tha se pensionet janë pjesa më e vështirë për çdo shtet, ku përmendi si shembull edhe Gjermaninë.
Ai tha se kjo çështje nuk është e buxhetit të shtetit si arka e qeverisë, që qeveria merr vendimet e saj, ndërsa e cilësoi si një çështje të përbashkët të shoqërisë.
Kreu i qeverisë shtoi më tej se që të ketë rritje të pensioneve duhet të ketë edhe rritje të kontributeve. Sipas tij çdokush që ka biznes të madh apo të vogël, brenda fitimit ka detyrimin ligjor të japë atë që u takon pensionistëve përmes skemës.
"Po ndërhyj për të prezantuar drejtorin e tatimeve, i cili ka ardhur me ftesë nga ministri i financave dhe unë pas një përvoje 10 vjecare në SHBA në fushën e taksave dhe auditit dhe përvojës së mëparshme. Ai është këtu për anën tjetër të medaljes, se çfarë po bëjmë ne sot dhe çfarë do bëjmë është e rëndësishme që të gjithë të jenë të qartë se pse pensionet janë pjesa më e vështirë për cdo shtet. Merrni shtetin më të zhvilluar, Gjermaninë, merrni cdo shtet të rajonit tonë dhe do shikoni që pensionet janë pjesa më e vështirë.
Nga ana tjetër do përpiqemi të ndajmë me ju dhe shoqërinë se pse kjo çështje nuk është një cështje e buxhetit të shtetit si arka e qeverisë, që qeveria të vendosë ç’të dojë. Kjo është një çështje e përbashkët e shoqërisë. E të gjithë atyre që në RSH fitojnë para. Cdo kush që fiton para në Shqipëri me një pagë sado të vogël, me një biznes sado të vogël, të madh po e po, brenda atij fitimi ka detyrimin ligjor të japë atë që u takon pensionistëve përmes skemës. Që ne të kemi një rritje të pensioneve ne duhet të rrisim kontributet dhe të imponojnë këtë rritje kontributesh për ata të cilët më vjen keq ta them, por fitojnë për vetë dhe vjedhjen pensionistët.", tha Rama.
