Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Për PD vota është sekret"/ Berisha: Rama ka shkelmuar votën e diasporës, e njerëzve që votonin për herë të parë
E.DPërditësimi i fundit 28 Maj 2025, 13:23
TIRANË- Kreu i Partisë Demokratike, Sali Berisha, duke folur në konferencë për shtyp u shpreh se PS-ja ka marrë aq vota sa kanë mbushur patronazhistët. Gjithashtu Kryedemokrati theksoi se PD respekton sekretin e votës. Më tej Berisha u shpreh se kontrata me DHL ishte shkelur duke përfshirë në mënyrë të paligjshme nënkontraktorë, përfshirë edhe postën shqiptare. Ai theksoi se ekzistojnë dokumente që tregojnë ndërhyrje të drejtpërdrejta në shpërndarjen e fletëve të votimit.
"PS-ja ka në kuti aq vota sa mbushën patronazhistët dhe sollën këto rezultate. Aq vota. PD respekton sekretin e votës. Nëse ju kujtohet, unë i kam bërë thirrje çdo personi, në diasporë dhe në Shqipëri; votën e ke sekret, mos e dekonspiro. Edhe njëherë të lutem. Për ne vota është sekret. Ne nuk hymë se si votoi ky, apo ai. Ne shohim si e manipuloi ky, shohim se, kontrata ishte me DHL-në pa nënktraktorë. Një, shohim se kontrata u shkel dhe nënkontraktor u bën disa, u përzje dhe posta shqiptare. Dy, shohim se mes nënkontraktorëve, grupeve dhe drejtuesve, kemi dokumente, u vendosën komunikime direkt.
Shkoni në filan vend, merrni në filan vend. Tre, shohim se, me dokumente mungojnë, nuk dihet fati i 40 mijë fletëve, të cilat për ne janë shpërndarë brenda vendit dhe nuk janë dërguar. Këto e rrëzojnë procesin. Ne nuk merremi, nuk mund të pranojmë një proces që është manipuluar në çdo aspekt. Në asnjë rrethanë. Mendja njerëzore që të ketë kuti me 97% vota për PS, kjo nuk mund ta pranojnë. Ne kemi të gjithë dëshmitë e ndërhyrjes brutale në procesin e votimit të diasporës dhe unë jam i bindur se diaspora shqiptare në të 4-anët e botës, do reagojë kundër narkoshtetit me forcën më të madhe. Sepse ka shkelmuar votën e diasporës, njerëz që votonin për herë të parë, njerëz që e bënin me dashamirësinë dhe dashurinë më të ma dhe për vendin," tha Berisha.
