Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Zgjedhjet parlamentare/ Berisha: Farsa elektorale ka një nga kapitujt më të zi, votën e diasporës! Ja shifrat e manipulimit në Vlorë dhe Fier
M.B.Përditësimi i fundit 28 Maj 2025, 13:07
TIRANA- Kreu i Partisë Demokratike Sali Berisha ka marrë pjesë sot në një konferencë për shtyp ku tha se zgjedhjet e 11 majit kanë një nga kapitujt më të zi të saj, votën e diasporës.
Berisha tha se vota e diasporës, e cila përbënte një arritje kushtetuese historike për Shqipërinë dhe shqiptarët, në kundërshtim flagrant me kodin zgjedhor, sipas tij, me parimet ndërkombëtare të zgjedhjeve të lira, në kundërshtim flagrant me kontratën e përcaktuar me marrëveshje dhe konsensus, procesi u shtetëzua plotësisht nga narkoshteti.
Ai shton se pas shtetëzimit të këtij procesi, qeveria nuk tregoi as kujdesin më të vogël për të fshehur duart e manipulimit. Gjithashtu Berisha paraqiti dhe disa shifra që sipas tij janë manipulimit në rang qarqesh.
Pjesë nga fjala e Berishës:
Farsa elektorale 11 maj 2025 ka një nga kapitujt më të zi të saj, votën e diasporës. Vota e diasporës, e cila përbënte një arritje kushtetuese historike për Shqipërinë dhe shqiptarët, në kundërshtim flagrant me kodin zgjedhor, me parimet ndërkombëtare të zgjedhjeve të lira, në kundërshtim flagrant me kontratën e përcaktuar me marrëveshje dhe konsensus, procesi u shtetëzua plotësisht nga narkoshteti. Pas shtetëzimit të këtij procesi, narkoshteti nuk tregoi as kujdesin më të vogël për të fshehur duart e tij të zeza të manipulimit.
Të manipulimit të gjithanshëm të këtij procesi, i tëri në duart e Taulant Ballës, Lubi Ballukut dhe personave kriminelë elektoralë, patronazhistë, të ngarkuar në Greqi, Itali dhe ndonjë vend tjetër, punonjës ambasadash apo ish-punonjës ambasadash, për t’u marrë me manipulimin e gjerë të votës së diasporës, për ta shndërruar atë në një krim madhor elektoral. Këtu do paraqesim sot provat e para, dëshmitë të para të këtij krimi. Por garantoj qytetarët se ne disponojmë me qindra dhe mijëra prova për të gjitha aspektet kriminale, manipulimet e votës së qytetarëve shqiptarë, të cilat ne do i bëjmë publike çdo ditë.
Asnjë njeri të mos mendojë se akuzat tona nuk kanë mbështetje në dokumente dhe prova materiale të pakundërshtueshme. Sot ne fillojmë për t’u paraqitur ju disa rezultate që flasin vetë. Në Fier, siç e shihni, PD dhe koalicioni në këtë kuti merr 21 vota kundrejt 341 votave të PS. Pra, 15 herë diferenca. Por nuk është kjo arsyeja. Përsëri këtu, PD merr fiks 21 vota kundrejt 206 votave të PS. E treta, përsëri zbatohet urdhri, 21 vota kundrejt 284 votave. Përsëri, PD dhe koalicioni merr 21 vota kundrejt 302 votave. Vazhdojmë po në Fier. PD merr përsëri 21 vota, 346 vota Lubia dhe Edi Rama. Këto janë... Vlora, këtu kanë qenë më dorëlëshuar. 26 vota PD kundrejt 210 vota PS. 26 vota PD dhe aleanca, 246 vota Lubi Balluku dhe Bledar Droga.
Tjetra. 26 vota PD, 249 vota për PS-në. Tjetra. 26 vota PD, 2019 vota për PS-në. 20 vota për PD, 40 vota për PS-në. 20 vota për PD, 253 vota për PS-në. Vazhdojmë.... 20 vota për PD-në, 175 vota për PS-në. 20 vota për PD-në, 214 vota për PS-në.
