Ditën e sotme vendi ynë do të ndikohet nga kushte atmosferike relativisht të qëndrueshme.
Sipas Shërbimit Meteorologjik Ushtara...
POLITIKE
"Përdore mandatet e krimit si mburojë për të vjedhur shqiptarët", Berisha paralajmëron Ramën: Ty dhe ministrave do t'u merret çdo pasuri!
PiranjatPërditësimi i fundit 16 Shkurt 2026, 19:16
Nga sheshi përpara Kryeministria e Shqipërisë, kreu i Partia Demokratike e Shqipërisë, Sali Berisha, ka lëshuar akuza të forta në drejtim të kryeministrit Edi Rama, duke e akuzuar për shpërdorim pushteti dhe përvetësim të pasurive publike.
Në fjalën e tij gjatë tubimit, Berisha deklaroi se Rama po përdor mandatet politike si “mburojë” për të mbrojtur, sipas tij, afera korruptive, ndërsa paralajmëroi se çdo pasuri e përfituar në mënyrë të paligjshme do t’u konfiskohet. Ai akuzoi qeverinë për përvetësim të taksave dhe pasurive publike të qytetarëve, duke theksuar se, sipas tij, zyrtarët përgjegjës do të përballen me drejtësinë.
"Edi Rama, yt atë xhelati Kristaq Rama, daja yt xhelati Spiro Koleka, 35 vite më parë bënin thirrje tanket studentëve, kurse ti pas 35 viteve përdore mandatet e krimit si mburojë për të vjedhë shqiptarët. Ata e bënin për pushtetin e tyre të krimit, ti e bëre për pushtetin tënd të krimit. Ata i zvarritën, ty do të zvarritin.
Ky mendon se mund të përvetësojë taksat tuaja. Pasuritë publike, se do të shkretojë Shqipërinë, ke vjedhur shumë, po të garantoj ty dhe ministrat e tu, se cdo pasuri që keni vënë do tu merret dhe do tu kthehet në vite burgu", tha Berisha.
