“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
POLITIKE
Përmbytjet, Berisha: Qeveria është në narkozë të plotë, qytetarët në mëshirë të fatit
PiranjatPërditësimi i fundit 8 Janar 2026, 12:51
Kryetari i PD-së, Sali Berisha akuzoi qeverinë dhe kryeministrin Edi Rama, për mos shpalljen e gjendjes së jashtëzakonshme për shkak të përmbytjeve që kanë prekur vendin tonë.
Berisha tha se qeveria, nuk ka investuar për pastrimin e kanaleve, dhe funksionimin siç duhet të hidrovoreve për të shmangur përmbytjet.
Pjesë nga fjala e Berishës:
“Narko-qeveria është në narkozë të plotë, jashtë çdo lloji imagjinate, jashtë çdo lloji standardi në kushtet kur mijëra banesa dhe qytetarë kanë shtëpitë e tyre të përmbytura, kanë bizneset e tyre të përmbytura. Narko-qeveria jo vetëm që nuk vendos gjendjen e jashtëzakonshme për të nxjerrë nga rreziku banorët e dëmtuar. Edi Rama akuzon opozitën se ne gjasshme po e akuzojmë për përmbytjet në Itali dhe Mal të Zi. Durrësi është përmbytur pa diskutim, por ajo që e përkeqësojë është gjendja e keqe e kanaleve, që nuk janë pastruar dhe mos funksionimi i hidrovoreve. Hidrovori i Hamallës i ka pompat të djegura, dhe kanalizimet janë dëmtuar nga ndërtimet, dhe në shumicën e rasteve nuk janë pastruar.
Situatë kërcënuese është në zonën e Novoselës, për shkak të lumit Vjosa që është me rrezikshmëri të lartë për shkak të befasisë së tij të përmbytjeve, prandaj u kërkoj të largohen që aty. Në asnjë vend qeveria nuk gjendet, përveç ministrit të drejtësisë që kishte veshur çizmet dhe kominoshet, për të shkuar në burg, ku tregoi se qeveria e tij është e mbytur. Dënoj këtë indiferencë jo njerëzore.”
