Një nga momentet më të komentuara të ndeshjes mes Japonisë dhe Holandës, e mbyllur me rezultatin 2-2, nuk lidhej me golat apo ra...
POLITIKE
"Po luani telefonin e prishur"/ Qytetarja mesazh Marta Kos-it nga protesta: Po përsërisni narrativën e Ramës!
PiranjatPërditësimi i fundit 16 Qershor 2026, 20:19
Gjatë protestës së 17-të qytetare para Kryeministrisë, një qytetare iu drejtua me tone kritike komisioneres për Zgjerimin të Komisioni Europian, Marta Kos, duke e akuzuar se po përsërit qëndrimet e kryeministrit Edi Rama lidhur me projektet e aeroportit të Vlorës dhe zonës së Nartës.
Në fjalën e saj, ajo iu referua raporteve të institucioneve europiane, duke pretenduar se këto projekte janë kritikuar për ndikimin e tyre në mjedis dhe biodiversitet.
Qytetarja ngriti pyetjen se përse, sipas saj, këto konstatime nuk po marrin të njëjtën vëmendje në deklaratat publike të zyrtarëve europianë.
Qytetarja:Marta Kos përsëritet sot narrativën e Edi Ramës për këto dy projekte të cilat kanë shkelur ligjin e mjedisit dhe të konkurrencës publike, se Edi Rama ju ka thënë dhe udhëzuar se këto dy projekte do të jenë në harmoni të plotë me zbatimin e ligjeve të mbrojtjes së zonave të faluara. Ne këtë në Shqipëri si e quajmë? Telefoni i prishur, zonja Martha!
Atëherë, në gjuhën e kësaj loje të cilën ju e nisët e në fakt në Shqipëri pa dashje dhe pa qëllim e luajnë kryesisht fëmijët... Zonja Martha, neve studentëve na kanë deklaruar ekspertët tuaj të Komisionit Europian dhe Parlamentit Europian, konkretisht Parlamenti Europian në raportin e tij A100106/2025, mbi raportet e Komisionit Europian të viteve 2023 dhe 2024, specifikisht të përkthyera në shqip, se ata konstatojnë që aeroporti i Vlorës 1 dhe projekti në zonën e Nartës 2 cënojnë...! Cënojnë ligjet kombëtare...!
Për mbrojtjen e biodiversitetit dhe ndikojnë negativisht... negativisht...
Në procesin e integrimit të Shqipërisë në BE. Pra besoj që këta ekspertë kanë qenë mjaft të qartë, ndikojnë negativisht në ligjin kombëtar dhe ndërkombëtar të dyja këto projekte, prandaj Komisioni ka propozuar specifikisht që të rishqyrtohen këto dy projekte sepse anëtarësimi në BE është i kërcënuar.
Pyetja e studentëve është: Përse nuk i përmendni këto konstatime të raporteve të institucioneve të Komisionit Europian dhe Parlamentit Europian, por zgjidhni të luani lojën e telefonit të prishur?
Atëherë, unë ju siguroj se disa studentë më kanë siguruar që kjo e dobëson bashkimin europian, dhe qëndrueshmëria juaj ndaj vlerave europiane në këto momente është tepër e prishur. Pra sot ne në Shqipëri po luftojmë për vlerat europiane, po ju? Faleminderit, forca Shqipëri!
Unë kam vetëm disa fjalë që unë i kam menduar... ne dëgjohemi në protesta, në lajme dhe me çdo gjë. Pardje ndodhi incidenti që shkuam deri atje ku na çuan, s'ka problem, kjo tregon akoma që jemi akoma të qytetëruar dhe naivë, që është një vlerë, por duhet të tregojmë shumë kujdes! Janë momente shumë fragjile të të gjithë të bashkuar! Nesër më shumë!
Ju faleminderit shumë për lirinë dhe krenarinë, nuk shitet Shqipëria!
