Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Policia e shtetit po dështon"/ Ina Zhupa: Ngjarjet e vazhdueshme kriminale janë bërë refren
PiranjatPërditësimi i fundit 19 Tetor 2025, 12:06
Deputetja e Partisë Demokratike, Ina Zhupa, ka ngritur shqetësimin për përshkallëzimin e ngjarjeve kriminale në qytetin e Sarandës dhe mungesën e reagimit efektiv nga strukturat e rendit. Në një reagim të sotëm, Zhupa tha se Saranda është kthyer në një vatër të pasigurisë publike, me një rritje të dukshme të krimeve, jo vetëm gjatë sezonit turistik, por edhe gjatë muajve të fundit të vjeshtës.
Ajo nënvizoi se rastet e rrëmbimeve, plagosjeve, vrasjeve dhe shpërthimeve janë bërë gjithnjë e më të shpeshta, duke krijuar një atmosferë frike dhe pasigurie për qytetarët dhe turistët. Deputetja akuzoi strukturat e rendit për dështim në përballimin e këtyre situatave, duke theksuar nevojën urgjente për masa më të forta dhe për një plan konkret të sigurisë për të përballuar këtë fenomen.
Ina Zhupa:
Ngjarjet e vazhdueshme kriminale janë bërë refren në qytetin e Sarandës, ku që nga sezoni turistik por dhe tani në muajt e parë të vjeshtës vazhdojnë më rrëmbime, plagosje, vrasje, shpërthime, të cilat rrezikojnë jeten e banorëve të qytetit të Sarandës.
Si deputete e Sarandës kam ndarë shpesh shqetësimin publik për këtë gjëndje, duke i kërkuar Ministrisë së Brëndshme nëpërmjet strukturave të policisë së shtetit të reagojë.
Të vër në kontroll dhe të monitoroj terrenin në qytetin e Sarandës.
Duhet që Policia e Shtetit të reagoj për të parandaluar ngjarjet, për të qenë ajo pararendëse e asaj që do të ndodhi në Sarandë dhe jo për të numëruar viktimat mbasi ngjarja ka ndodhur
