Kryeministri Edi Rama ka bërë disa dalje publike, ku ka ftuar studentët të dialogojnë, pasi protestat kanë vijuar prej ditësh...
POLITIKE
“Policia përdori gaz dhe plumba gome!” Berisha: Nuk kursyen as të miturit! Edi Rama, do të mbash përgjegjësi
PiranjatPërditësimi i fundit 21 Shkurt 2026, 12:34
Kreu i opozitës, Sali Berisha, reagoi pas protestës kombëtare të zhvilluar një ditë më parë në Tiranë, duke e cilësuar atë si “një ditë triumfi” për mbështetësit e opozitës.
Në një komunikim me qytetarët, Berisha tha se protestuesit u përballën “dhëmb për dhëmbë” me atë që ai e quajti “narkoshtet”, ndërsa e përshkroi tubimin si një betejë epike kundër qeverisë.
“Dje ishte ditë triumfi për kryengritësit paqësorë, që u përballën dhëmb për dhëmbë, për tre orë, me narkoshtetin, në një betejë epike kundër qeverisë së paligjshme të Tiranës, kundër Edi Ramës, Lubi Ballukut dhe vjedhjeve të tyre të papërmbajtura. Guximi i kryengritësve ishte i jashtëzakonshëm”, tha ai.
Berisha deklaroi se janë përdorur mjete të forta të shpërndarjes së turmës, përfshirë plumba gome dhe gaz lotsjellës, duke shtuar se dhuna nga ana e policëve nuk kurseu as të miturit.
“Protestuesit u qëlluan me snajperë, me bombola gazi pas koke, madje edhe me shkelma në kokë. Dënoj me forcën më të madhe dhunën dhe terrorin policor. Dënoj gjuajtjen me seleksion të qytetarëve me bombola gazi pas koke njërit prej tyre, në gjoks, deputetit të PD-së, Laçiano Boçi dhe të tjerëve me plumba gome, me gaz. Garantoj Edi Ramën se në të gjitha këto do të jetë përgjegjës”, tha ai.
Berisha: "Dje ishte ditë triumfi për kryengritësit paqësorë, që u përballën dhëmb për dhëmbë, për tre orë, me narkoshtetin, në një betejë epike kundër qeverisë së paligjshme të Tiranës, kundër Edi Ramës, Lubi Ballukut dhe vjedhjeve të tyre të papërmbajtura. Guximi i kryengritësve ishte i jashtëzakonshëm.
Tipari më kryesor i 20 shkurtit ’96 ishte se të rinjtë dhe adoleshentët u bënë, me qëndresën e tyre, tmerri i regjimit dhe fytyra më e bukur e opozitës. Për tre orë, në bulevard, në Parlament dhe në rrugët e Tiranës u zhvillua një betejë e paparë.
Regjimi përdori të gjitha mjetet e dhunës, nuk kurseu as plumbat e gomës, me snajperë në ballë të ish-kandidates sonë për deputete në Shkodër. Dhuna dhe terrori i policisë nuk kursyen as të miturit. Protestuesit u qëlluan me snajperë, me bombola gazi pas koke, madje edhe me shkelma në kokë. Ata qëndruan të pamposhtur. U përpoqën t’i frikësonin të miturit duke thënë se ata kishin marrë lekë.
Janë shoqëruar mbi 50 persona. Një pjesë e tyre nuk kanë marrë pjesë kurrë në protestë. Një pjesë e policëve janë sjellë me rrugaçëri. Janë sjellë si patronazhistë dhe kriminelë. Dje ka pasur një dallim të qartë në qëndrimin e një pjesë të mirë të policisë, që po realizon se mbrojtja e hajdutëve nuk është pjesë e ligjit. Unë i përgëzoj ata. Unë i ftoj policët, që të bashkohen me demonstruesit. Rama është armik i egër i qënies së tyre, i kombit shqiptar.
Dënoj me forcën më të madhe dhunën dhe terrorin policor. Dënoj gjuajtjen me seleksion të qytetarëve me bombola gazi pas koke njërit prej tyre, në gjoks, deputetit të PD-së, Laçiano Boçi dhe të tjerëve me plumba gome, me gaz. Garantoj Edi Ramën se në të gjitha këto do të jetë përgjegjës."
