Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Postimet e para pas festës në Athinë, "Protothema" sytë nga Rama: Fryma e atdheut është e thellë mes shqiptarëve të Greqisë
n.fPërditësimi i fundit 13 Maj 2024, 07:46
Rama
ATHINË- Media greke, "Protothema" ka shkruar një tjetër artikull në lidhje me vizitën e kryeministrit Edi Rama në Athinë ku u takua me emigrantët shqiptarë. Në shkrimin e saj "Protothema" shkruan se kryeministri Edi Rama ka bërë dy postime në Facebook pas festës parazgjedhore që organizoi në Galatin e mbyllur mëngjesin e së dielës.
"Në postimin e parë, zoti Rama, me këngëtaren Noisy dhe këngëtaren Era Rusi në krah që hapën aktivitetin në Galatsi, përshkruan "faleminderit nga zemra" për bashkatdhetarët e tij që ndodheshin në Galatsi, duke thënë ndër të tjera gjëra, që “përjetova në çdo qelizë frymën e thellë të atdheut mes shqiptarëve të Greqisë” por duke dërguar mesazhin se Shqipëria dëshiron të ecë drejt një “realiteti të ri vëllazërimi, rendit europian dhe paqes në bashkëpunim me Greqinë," shkruan media greke.
Protothema është ndalur edhe në një postim të dytë të Ramës teksa shkruan se në postimin e tij të dytë, kryeministri shqiptar rendit gjithsej 69 foto të “një ditë të paharrueshme shqiptare”.
"Në fjalën e tij, Edi Rama bëri referenca të gjera për vështirësitë me të cilat përballen ata që emigruan – sidomos në vitet e para – në Greqi, ndërsa siç pretendoi ai nuk erdhi për të provokuar. Në fjalën e tij ai theksoi gjithashtu se pavarësisht tensioneve mes dy vendeve, po diskutohet për marrëveshjet e pensioneve me Greqinë" shkruan më tej media greke.
Edi Rama ka hyrë në sallë nën tingujt e himnit kombëtar shqiptar dhe është duartrokitur nga turma duke brohoritur “Edi, Edi”. Aktiviteti u hap nga këngëtarja Noisy dhe këngëtarja Era Rusi. Rama u parapri nga tetë folës. Mes tyre ministrja e Shtetit e Shqipërisë Eliza Spiropali, e cila ndër të tjera tha se kur ra regjimi komunist në Shqipëri “Greqia ishte aty, grekët bujarë ndanë bukë e kripë me ne”.
Pas fjalës së tij dhe i pyetur për marrëdhëniet greko-shqiptare një vit pas arrestimit të Fredi Belerit, Edi Rama tha se “nuk ka asnjë çështje, nuk ka histori për ne. Kjo është historia e politikës greke. Nuk është historia jonë dhe nuk ka të bëjë fare me ne”.
“Shpresoj se do të arrijmë të bëjmë diçka që përputhet me marrëdhënien fantastike mes njerëzve të zakonshëm të Greqisë dhe Shqipërisë. Ata e meritojnë të jenë më të mirë dhe ne duhet t'u japim politika shumë të ndryshme”, përfundoi kryeministri shqiptar duke folur për Star.
