Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
Procesi i anëtarësimit në Bashkimin Evropian, Rama zbulon bisedat me liderët e BE: Kryeministri holandez më tha se mbresat nga Brukseli janë shumë të forta!
n.fPërditësimi i fundit 19 Prill 2025, 09:28
TIRANË- Kryeministri Edi Rama gjatë podkastit të tij “Flasim”, ka trajtuar edhe temën e procesit të integrimit të vendit në Bashkimin Europian. Rama prej kohësh ka në qendër të diskutimeve dhe takimeve temën e anëtarësimit në BE teksa edhe fushata e tij elektorale bazohet në këtë çështje.
Rama teksa po kujtonte bisedimet me liderët evropianë theksoi se ata kanë dëgjuar fjalë të mira për vendin tonë dhe se kemi lënë mbresa si shtet në Bruksel. Sipas tij kryeministri i Holandës i ka thënë se ka dëgjuar fjalë të mira nga ekipi shqiptar dhe se mbresat nga Brukseli janë shumë të forta’. Sa i përket kryeministrit të Danimarkës ai është shprehur se për pjesën e proceseve të vendeve që duan të hyjnë në BE vendi ynë është on top.
"Është një referen i përsëritur në pafundësi që ministrat, administrata…, hajdutët, hajdutët, të gjithë hajdutë. Ndërkohë që padiskutim që administrata ka hijet e veta, nuk diskutohet komplet e pandershme që ne ta fshihnim këtë, por unë vetë personalisht kam pasur më shumë stres nga hijet e administratës se mjaftueshëm motivim për ti dalë për zot. Por kjo është përmbysur komplet kur kemi bërë procesin screening dhe të gjithë bashkëpunëtorët e dinë shumë mirë që thosha dhe me vete e kam pasur vazhdimisht si borxh se çfarë do të ndodhë në orën e të vërtetës.
Ora e të vërtetës për mua ishte momenti kur negociatat do të fillonin me screening, me gjithë diagnozën e shtetit shqiptar ku faktikisht janë 1000 vetë nga ana këtej dhe 1000 nga ana andej që ulen përballë njëri-tjetrit me 36 grupe, në mos janë më shumë, dhe që i hyjnë deri në qelizë shtetit shqiptar dhe aty ka shumë rëndësi si performon ti, si luan ti pjesën tënde,' tha ai.
