Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
Projektvendimi i ngritjes së Komisionit të Posaçëm për Reformën Zgjedhore dhe Reformën Territoriale, zbardhen amendamentet e opozitës
PiranjatPërditësimi i fundit 16 Tetor 2025, 13:43
Partia Demokratike ka kërkuar ndryshime në strukturën dhe përbërjen e Komisionit të Posaçëm për Reformën Zgjedhore dhe Komisionit të Posaçëm për Reformën Territoriale, duke theksuar nevojën për barazi mes pozitës dhe opozitës.
Kërkesat e PD-së:
Reforma Zgjedhore - PD propozon që komisioni të ketë 16 anëtarë, ku 8 anëtarë të jenë nga Partia Socialiste, 6 nga Partia Demokratike, dhe nga një përfaqësues nga Aleanca për Ndryshim dhe Partia e Lirisë.
Reforma Territoriale - Po ashtu, PD kërkon që përbërja e Komisionit të Posaçëm për Reformën Territoriale të zbatojë të njëjtin parim barazie në përfaqësim.
Në të dyja këto komisione, PD kërkon që të përfshihen ekspertë ndërkombëtarë, përfshirë Kongresin e Autoriteteve Lokale dhe Rajonale të Këshillit të Europës, për të siguruar një proces transparent dhe të drejtpërdrejtë.
Çështje të veçanta - Për çështjet për të cilat palët nuk arrijnë konsensus, PD propozon që ato të drejtohen për shqyrtim tek Komisioni i Venecias dhe Kongresi i Autoriteteve Lokale dhe Rajonale në Këshillin e Europës, për të siguruar një mendim të pavarur dhe të drejtpërdrejtë ndërkombëtar.
