Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Prokuroria nis hetimin për keqpërdorimin e burimeve shtetërore nga PS në Fier/ Reagon Bardhi: Janë grupi i strukturuar kriminal me në krye Ballukun! Hetimet të kryehen në kohë dhe nga SPAK
e. dPërditësimi i fundit 18 Prill 2025, 18:29
TIRANË- Drejtuesi politik i PD për qarkun Fier Gazment Bardhi ka reaguar lidhur me regjistrimin e procedimit penal nr. 495/2025 ndaj zyrtarëve publikë të angazhuar në fushatën e Partisë Socialiste në qarkun Fier. Hetimet e prokurorisë janë përqëndruar në keqpërdorimin e burimeve shtetërore për qëllime politike. Gazment Bardhi përmes një postimi në Faceboook apelon që rasti të trajtohet si grup i strukturuar kriminal dhe se hetimet duhet të kryhen me shpejtësi dhe në kohë.
Me anë të një njoftimi në Facebook, Bardhi thotë se nisja e hetimeve është pozitive, por nuk mjafton, pasi ai kërkon shpejtësi në hetim dhe vënie në kohë para përgjegjësive të shkelësve të ligjit. Bardhi thotë se pret që ligji të veprojë ndaj asaj që ai e quan banda elektorale e Belinda Ballukut.
Reagimi i plotë i Gazment Bardhit:
Nisja e hetimeve për keqpërdorimin e burimeve shtetërore për fushatë elektorale është pozitive dhe meriton vlerësim, por është e pamjaftueshme! Në hetimin e krimeve zgjedhore është domosdoshmëri shpejtësia në hetime dhe vënia në kohë para përgjegjësisë e shkelësve të ligjit. Ne presim që ligji të veprojë ndaj bandës elektorale të Belinda Ballukut në qarkun Fier, dhe çështje të kësaj natyre duhet ti kalojnë për kompetencë SPAK për shkak se jemi përpara një grupi të strukturuar kriminal, me role të qarta dhe të mirëpërcaktuara, me në krye Belinda Ballukun. Faktet për këtë janë evidente, mjafton vullneti që prokurorët të bëjnë punën e tyre pa vonesa dhe pa hezitim! Prej muajsh tashmë qindra punonjës të administratës publike nën varësinë e Belinda Ballukut kanë pushtuar si bandë qarkun e Fierit, duke braktisur detyrën shtetërore dhe duke ushtruar presion apo ofruar favore në këmbim të votave. Refuzimi masiv i qytetarëve i ka bërë edhe më arrogant, edhe më qesharak, edhe më të papërgjegjshëm, duke lënë gjurmë të krimeve të tyre kudo. Një pjesë e tyre në mënyrë fiktive janë bërë edhe “banor” të qarkut Fier, në zonat që drejtuesja e bandës i ka lënë nën përgjegjësi. Janë këta individë endacak që i japin urdhrat e paligjshëm ndaj punonjësve të administratës në Fier, janë këta që urdhërojnë strukturat e PS të angazhohen në krime elektorale, janë këta individë që terrorizojnë bizneset. Fatmirësisht ata janë të gjithë të identifikuar me emër e mbiemër si shkelës të ligjit, dhe qytetarët e qarkut Fier e kanë të qartë se si çdo endacak ato janë individë me kohë skadence në 11 Maj dhe në 12 në mëngjes kthehen në Tiranë për tu bërë gati për të shkuar atje ku e ka vendin çdo shkelës i ligjit.
Prandaj më 11 Maj qytetarët e qarkut Fier e kanë të qartë se çfarë do të bëjnë, nuk do t’i nënshtrohen presionit dhe do të votojnë për ndryshimin për mirë të Shqipërisë, duke mbështetur alternativën e shkëlqyër ekonomike të Partisë Demokratike.
